Сталинград кыргыһыытын буойуннарын кэриэстээтилэр

Олунньу 2 күнүгэр Дьокуускайга Арассыыйатааҕы Буойун албан аатын күнүн бэлиэтиир өйдөбүнньүк тэрээһиннэр ыытылыннылар — бу күн Сталинград кыргыһыытыгар фашистары үлтүрүппүт өрөгөйдөөх түгэни бэлиэтээтилэр. Сталинград иһин кыргыһыыга Саха сириттэн 10 тыһыынчаттан тахса киһи кыттыбыта. 

Бу күн өрөспүүбүлүкэ үрдүнэн Аҕа дойду Улуу сэриитин түгэннэрин дойду историятыгар суолталарын үйэтитэргэ туһуламмыт тэрээһиннэр ыытылыннылар.

Дьокуускайга «Патриот» ыччат киинигэр бэтэрээннэр уонна ыччаттар икки ардыларыгар көрсүһүү буолла. «ВОИН» киин филиалын курсааннара, бэтэрээннэр уонна уопсастыбаннай тэрилтэлэр бэрэстэбиитэллэрэ, устудьуоннар, ыҥырыылаах ыалдьыттар кытыннылар. Көрсүһүүгэ Сталинград кыргыһыытын түгэннэрин, Аҕа дойду Улуу сэриитин историятыгар ылбыт суолтатын туһунан кэпсэттилэр.

Саха сиригэр Буойун албан аатын күнүн бэлиэтиир өйдөбүнньүк тэрээһиннэр өрөспүүбүлүкэ эдэр дьонугар уонна олохтоохторугар Сталинград кыргыһыытын туһунан билиһиннэриигэ, сырдатыыга туһуланнылар.

Бу Арассыыйатааҕы Буойун албан аатын күнүн бэлиэтиир өрөспүүбүлүкэ таһымнаах тэрээһиннэр  «Биир ньыгыл Арассыыйа»  баартыйа норуодунай бырагырааматын «Историческая память»  бырайыагын чэрчитинэн олоххо киирдилэр.

Сиһилии: https://www.sakha.gov.ru/news/19653