Стамбулга Бейоглу оройуонугар Истикляль уулуссаҕа улахан дэлби тэбии таҕыста. Бу сатыы дьоҥҥо аналлаах, Москваҕа Арбат курдук элбэх киһилээх, атыы-эргиэн уулуссата буолар. Дэлби тэбии түмүгэр 6 киһи тута өлбүт, уонунан киһи эчэйбит. Турция бэрэсидьиэнэ Реджеп Эрдоган этэринэн, бастакы күҥҥэ 81 киһи эчэйбитэ биллибит. Бэҕэһээ дойду үрдүнэн социальнай ситимнэри араара сылдьыбыттар.
Бүгүн буомбалаах пакеты хаалларан баран, куоппут дьахтары туттулар диэн иһитиннэрдилэр. Билигин бу дьахтары доппуруостуу сылдьаллар. Ону тэҥэ, бу дьахтары кытары сүүрбэччэ киһи кыттыгастааҕа биллибит.
Сабаҕалааһын быһыытынан, “теракт” суола-ииһэ Сирияттан кэлбит. Анкараҕа террористическай тэрилтэлэринэн билиниллибит бөлөхтөр сыһыаннаах курдуктар. Чинчийии түмүгүнэн биллибитинэн, бирикээс Кобань куораттан, буомбаны хаалларбыт дьахтар Сирия Африна куоратыттан кэлбиттэр.
— Бу хара дьайыы кэннигэр ким да турдун, чинчийиини тиһэҕэр тиэрдэн тэйиэхпит. Аан дойду уһугар да састыннар, син биир булуохпут, кылгас кэм иһигэр эппиэтинэскэ тардыахпыт, — диэн вице-бэрэсидьиэннэрэ Фуат Октай эттэ.
Бу дэлби тэбии буолбут сириттэн Арассыыйа консульствота чугас эбит, ол эрээри, хата, биир да Арассыыйаттан сылдьар киһи эмсэҕэлээбэтэх.
Василий Галузаны баһылыгынан талыы олохтоохтор байыаннай дьайыы кыттыылаахтарын өйүүллэрин туоһулуур. Кинилэр бүгүн лидердар, салайааччылар. …
"ОДьКХ" ГУП 23 тыһыынча дьиэҕэ ититиини киллэрбит. Маны таһынан тыһыынчаттан тахса социальнай эбийиэктэр, олор истэригэр оскуолалар,…
Силиэстийэлиир кэмитиэт Халыматааҕы оройуоннар икки ардыларынааҕы силиэстийэлиир отдела РФ Холуобунай кодексын 30 ыст. 3 ч. …
Бүгүн Үөһээ Бүлүү улууһун Үөдүгэй сэл. биир умнуллубат, бэлиэ күн буолан ааста. Ол курдук Механизаторскай…
Ааспыт сыл муус устар ыйыгар өрөспүүбүлүкэ олохтооҕо дьахтар "Хатас" ТХПК туһаайыытынан икки сир уһаайбатын атыыласпыт.…
Арассыыйа Силиэстийэлиир кэмититэтин бэрэссэдээтэлэ Александр Бастрыкин Томпо оройуонугар эр киһи сүппүтүнэн холуобунай дьыала хаамыытын дакылааттыырга…