Станислав Иванов «Саха сирэ — дьоруойдар дойдулара» бырагыраама туһунан

 Саха сирин Уопсастыбаннай балаататын бэрэссэдээтэлэ Станислав Иванов «Саха сирэ — дьоуойдар дойдулара» бырагыраама туһунан санаатын үллэстэр.

—Байыаннай дьайыы кыттыылаахтара эйэлээх олоххо эргиллэн кэлбиттэрин кэнниттэн, наадалаах, туһалаах хайысхаҕа туһаайар ордук буолуо. Дьэ, ол иһин бу бырагырааманан байыастарга билиини-көрүүнү биэрэн, салайарга такайан, өй-санаа, уйулҕа өттүнэн эбии үөрэтэн, дьарыктаан өрөспүүбүлүкэ сайдыытыгар туһаайары ситиһиэххэ, – диэн Станислав Иванов бэлиэтиир.

«Саха сирэ — дьоруойдар дойдулара» далааһыннаах каадыр бырагыраамата — «Дьоруойдар кэмнэрэ» федеральнай бырайыагы салгыыр. РФ Бэрэсидьиэнэ Владимир Путин уонна СӨ Ил Дархана Айсен Николаев өйөөбүт көҕүлээһиннэрэ байыаннай дьайыы кыттыылаахтарын судаарыстыбаннай уонна муниципальнай салайыы тиһигэр  интеграциялааһыҥҥа туһуланар.