Ньурбаҕа Станислав Потапов аатынан уолаттарга боксаҕа аһаҕас турнир буолан ааста

Сэтинньи 13-14 күннэригэр СӨ үөрэҕириигэ, физическэй култуураҕа уонна успуорка туйгуна, үрдүкү категориялаах тириэньэр, Р.М. Дмитриев аатынан Олимпийскай эрэллэри бэлэмниир училище  тириэньэринэн үлэлээбит, Ньурба улууһугар бокса сайдыытыгар сүҥкэн кылаатын киллэрбит, «Эр санаа» уордьан кавалера, хорсун быһыыга-майгыга байыаннай дьайыыга кытта сылдьан тыына быстыбыт Станислав Потапов аатынан уолаттарга боксаҕа аһаҕас турнир үрдүк таһымнаахтык ыытылынна. Бу туһунан Ньурба улууһун дьаһалтатын пресс-сулууспата суруйар.

Күрэх наҕараадалааһыныгар үгүс элбэх спонсордар, Станислав Семенович дьиэ кэргэнэ, улуус салалтатын аатыттан оҕолорго сыаналаах өйдөбүнньүк бэлэхтэри туттардылар. Станислав Потапов бииргэ төрөөбүт убайа Альберт Потапов күрэх тэрээһинигэр күүс-көмө буолбут дьонун-сэргэтин бэлиэтээн туран, Махтал суруктары туттартаата. Ол курдук, улуус баһылыга Иннокентьев А.М., «Ньурба куорат» баһылыга Игнатьев Г.В., Р.М. Дмитриев аатынан Олимпийскай эрэллэри бэлэмниир училище дириэктэрэ Чердонов С.С., улуустааҕы успуорт управлениетын салайааччыта Яковлев А.Я., Ньурба оройуонун сүүмэрдэммит хамаандатын салайааччыта Алексеев Р.А., Ньурбатааҕы оҕо успуорка оскуола дириэктэрэ Антонов А.А., С.С. Потапов аатын сүгэр Убайаан орто оскуолатын дириэктэрэ Горбатов А.В., ООО «Ремикс+ дириэктэрэ Арбугин В.Р., «Falz-ykt» тутуу хампаанньатын салайааччыта Николаев Н.Л., Зоя Васильевна уонна Герман Серафимович Титовтар дьиэ кэргэттэрэ, Тыасытов А.А., «Большой» маҕаһыын дириэктэрэ Тарасов А.Б., ООО «Сэттэ» тутуу хампаанньатын дириэктэрэ Яковлев Ф.Д., ООО ПСФ «Утум+» дириэктэрэ Карамзин Г.О., «Номох» саха маастардарын оҥоһугун маҕаһыына, Яковлев В.Д, Потапов П.В., Дубинин И.И., Евгений Григорьевка,Федоров С.Ю., Брагин А.В., ИП Иванов Д.И. махтал суруктарынан бэлиэтэннилэр.

Тэрийээччилэр ньурбалар киэн туттар биир дойдулаахтара Станислав Потапов аатынан турнир өрөспүүбүлүкэ боксердарын түмэ тардан, кэнчээри ыччаттар биир кынат анньынан үүнэн тахсар турнирдара буолуо диэн эрэллээхтэр. Хорсун буойун албан аата, боксаҕа ситиһиилэрэ өрүү холобур буолан, оҕолорго турнирга  умнуллубат түгэннэри бэлэхтээтэ, Станислав Потапов дьиэ кэргэнигэр тус болҕомто ууруллан ыытылынна, диэн Ньурбатааҕы успуорт управлениетын пресс-киинэ иһитиннэрэр.