Хаартыска: Саргын Скрябин, СИА.
Бүгүн, сэтинньи 9 күнүгэр, саха норуотун чаҕылхай уола, уһулуччулаах судаарыстыбаннай уонна бэлитиичэскэй диэйэтэл Степан Максимович Аржаков төрөөбүтэ 125 сылынан өйдөбүнньүгэр сибэккини ууруу өрөгөйдөөх түгэнэ буолла.
СӨ Бырабыыталыстыбатын бэрэссэдээтэлин солбуйааччы Сергей Местников мустубут дьону бу дьоһун күнүнэн эҕэрдэлээтэ, Саха сиригэр судаарыстыбаннас төрүттэнэр кэмнэригэр Степан Аржаков ойуччу ураты өҥөлөөҕүн кичэйэн бэлиэтээтэ.
“Биһиги өрөспүүбүлүкэбитигэр автономия олохтонуутугар Степан Максимович Аржаков ойуччу улахан өҥөлөөх. Кини Наркомнацка анал Саха сиринээҕи салааны тэрийэргэ этии киллэрбитэ, бэйэтэ ону салайбыта. Бу салаа улахан бэлитиичэскэй уонна быраап өттүнэн суолталаах буолан, Саха сирэ автономнай өрөспүүбүлүкэ статуһун ыларыгар улахан оруолу оонньообута. Төрөөбүт сиригэр эргиллэн кэлэн баран, кини хас да министиэристибэни салайбыта, САССР Норуодунай хамыһаардарын сэбиэтин бэрэссэдээтэлэ этэ, төрөөбүт өрөспүүбүлүкэтэ сайдарыгар сүҥкэн кылааты киллэрбитэ”, — диэтэ кини.
Ил Дархан Айсен Николаев дьаһалынан уһулуччулаах судаарыстыбаннай диэйэтэли үйэтитэргэ улахан үлэ барбыт. Вице-премьер Степан Аржаков биир дойдулаахтарыгар – Бүлүү улууһун олохтоохторугар үбүлүөйдээх тэрээһиннэргэ көхтөөхтүк кыттыбыттарын иһин махталын биллэрдэ, диэн иһитиннэрэр Ил Дархан, бырабыыталыстыба пресс-сулууспата.
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…