Степан Бурнашев киинэтигэр Соджи Араи оонньуоҕа

Pachinko уонна  Tokyo Vice сэрийээллэр сулустара Соджи Араи саха режиссера Степан Бурнашев  “Пентхаус” инди-триллеригэр сүрүн оруолга бигэргэннэ. Ону сэргэ саха артыыската Ирина Михайлова оонньуур.

Билигин киинэни  Куала-Лумпурга, Малайзияҕа усталлар. Эдэр паара Саина (И.Михайлова) уонна Дэвид (Арай) саҥа олохторун саҕалыыр баҕалаах АХШ-тан  Куал-Лумпурга сиэдэрэй  пентхауһунан көһөн кэлэллэр. Ол гынан баран,  кинилэр баҕа санаалара наһаа түргэнник ынырык олоххо  кубулуйар. Саина дьикти дорҕооннору истэр уонна сибиэни көрөр буолан барар. Эдэр кыыс  бу дьикти түбэлтэлэргэ кини кэргэнэ кыттыгастаах буолуон сөбүн уорбалаан барбытыгар кырдьык уонна албын икки ардыларыгар туох эрэ баар курдук буолар. Чахчы дьиэ иһигэр сибиэн  баар дуу, эбэтэр Дэвид туох эрэ ынырыгы  кистиир дуу?