Степан Эверстов: «Араас тэрээһиннэргэ кыттар бэртээхэй тырааныспарданныбыт»

Бүгүн Ил Дархан Айсен Николаев үөрэх кыһаларын салайааччыларыгар 20 саҥа оптуобус күлүүһүн туттарда.

Саҥа оптуобус Кэбээйи улууһун Ньидьили орто оскуолатыгар эмиэ бэрилиннэ. Оскуола дириэктэрэ Степан Эверстов үөрүүтүн үллэстэр:

“4 WD газель оптуобус, биһиги усулуобуйабытыгар сөптөөх гына оҥоһуллубут, саамай сүрүнэ сылаас. Киирэн собуоттаан көрдүбүт, бэркэ үлэлиир. Оскуолабытыгар 110 үөрэнээччилээхпит, 12 миэстэлээҕэ сөп. Дьэ билигин улууска да, өрөспүүбүлүкэҕэ да ыытыллар билим кэмпэриэнсийэлэригэр, олимпиадаларга, күрэхтэһиилэргэ, араас тэрээһиннэргэ кыттар бэртээхэй тырааныспарданныбыт. Маннык кыаҕы биэрбиккитигэр кэлэктиибим, төрөппүттэр ааттарыттан улахан махталбытын тиэрдэбит”.