Хаартыска: ааптар тиксэриитэ
«Айар кут» суруйааччылар уонна хоһоонньуттар эрэгийиэннээҕи сойуустарын «Талба талаан» литература бырайыага бэс ыйын 4 күнүгэр 8-с төгүлүн ыытылынна.
Бу күн Степан Егорович Кожуров-Ыстапаан Таастаах «Тыа Эбэ байанайдаах андыһыттара» (кэпсээннэр) уонна күн аайы күнү көрсө үтүөнү баҕарар хоһуйууларын кэрчиктэрин хомуйан «Сарсыардааҥҥы иэйиилэрим кыната» диэн кинигэлэрин биһирэмэ буолла. Кини хоһооннорун «Айар Кут» сойуус кыттыылаахтара Прасковья Алексеевна-Туску, Любовь Егоровна-Сэгэйэ аахтылар уонна кылгас литературнай ырытыыны иһитиннэрдилэр.
Ыстапаан Таастаах олоҕун кэрчиктэрин кини салайар «Саһарҕа» түмсүүтүн кыттыылааҕа Анна Степановна Хабарова мустубут дьоҥҥо билиһиннэрдэ.
Сэттэ кинигэ ааптара Степан Егорович Кожуровы хоһооннорун ырыа гынан көтүппүт мелодистар, ырыаһыттар күндү ыалдьытынан буоллулар.
СӨ култууратын туйгуна, СӨ Баянистарын сойууһун салайааччыта, мелодист, ырыаһыт Алексей Потапов ырыаһыттарга баянынан доҕуһуоллаата уонна элбэх ырыаны бэйэтэ толорон сүргэбитин көтөхтө.
Чурапчы мелодистарын түмсүүтүн салайааччыта, СӨ Мелодистарын сойууһун чилиэнэ, ырыаһыт Марианна Макарова-Барахсаана, Чурапчы мелодистарын түмсүүтүн кыттыылааҕа, СӨ Мелодистарын сойууһун чилиэнэ, ырыаһыт, тыа хаһаайыстыбатын наукатын хандьыдаата, нарын куоластаах ырыаһыт, мелодист Елена Ильина-Намчы, күүстээх куоластаах ырыаһыт Фёдор Унаров ыллаан, үтүө баҕа санааларын холбоотулар.
РФ КП Саха сиринээҕи салаатыттан эрэллээх доҕотторо Степан Кожуров биир бастыҥ хомуньуус буоларын бэлиэтээтилэр.
Ити курдук, бары өрө көтөҕүллэн туран Ыстапаан Таастаах суруйар, хоһуйар дьоҕурун билинэн, «Талба талаан» бырайыак анал бэлиэтин кубогы туттарыы Алексей Потапов баянынан доҕуһуолугар, күүстээх ытыс тыаһын ортотугар күргүөмнээхтик ааста.
«Айар кут» суруйааччылар уонна хоһоонньуттар эрэгийиэннээҕи сойуустарын кыттыылааҕа Зоя Данилова-Кэкэрдэ Зоя мустубут ыалдьыттарыгар анаан, «Кинигэ айхала» диэн бэйэтин хоһоонун уонна А.Кулаковскай хоһоонноруттан быһа тардыылары өйтөн ааҕан, бүгүҥҥү тэрээһини салайан ыытта.
Зоя ДАНИЛОВА-Кэкэрдэ Зоя
Бүгүн халадьыыльныкка кимиэхэ барытыгар кэриэтэ баар бородууктанан мини-пиццалары астыыр ырысыабы кытта үллэстэбит. Пиццалар сыырдаах эбэтэр…
Дьокуускайга от ыйын 1 күнүгэр Байыаннай дьайыы бэтэрээннэрин күнүгэр аналлаах сибэкки дьөрбөтүн ууруу үөрүүлээх тэрээһин…
Бэс ыйын 30 күнүгэр СӨ Национальнай бибилэтиэкэтигэр киһи аймах историятын икки саамай былыргы айымньыта –…
Ааспыт нэдиэлэҕэ Саха сиринээҕи Росгвардия нарядтара 152 иһитиннэриинэн тахсан, быраабы кэһиигэ уорбаланар 93 гражданины туппуттар.…
СӨ Бырабыыталыстыбатын Бэрэссэдээтэлин бастакы солбуйааччыта Дьулустаан Борисов «РФ судаарыстыбаннай уонна муниципальнай хонтуруол туһунан» федеральнай сокуону…
Усуйаана улууһугар «Сахаэнерго» АУо Дьааҥытааҕы электрическэй ситимнэрин үлэһиттэрэ анал байыаннай дьайыы зонатыгар дьоруойдуу охтубут биир…