Чурапчы улууһун баһылыга Степан Саргыдаев Өрөспүүбүлүкэ күнүнэн олохтоохтору эҕэрдэлиир уонна бары дойдубут туһугар үлэлиэххэ диэн ыҥырар:
– Муус устар 27 күнэ – Саха сирин хас биирдии олохтооҕор ураты суолталаах күн. Киэҥ-нэлэмэн өрөспүүбүлүкэ муниципальнай тэриллиилэрин холбоһугун бэрэссэдээтэлэ буолан тураммын, Саха Өрөспүүбүлүкэтин күнүнэн бука барыгытын итиитик-истиҥник эҕэрдэлиибин! Бу күн биһиги ахтан-санаан ааһабыт, оччолорго уустук олохтоох-дьаһахтаах ыраах тайаан сытар Саха сирин автономиятын туруорсан, сайдыыны түстээбит уһулуччулаах улуу дьоммутун Максим Аммосовы, Платон Ойуунускайы, Исидор Бараахабы, Степан Аржакову, Иван Винокуровы, о.д.а. Норуот көҥүл, сайдыылаах олоҕун туһугар турууласпыт ытык дьоммут саҕалаабыт, ситиспит дьыалаларын, кинилэр төрөөбүт дойдуларыгар бэриниилээх санаанан салайтарбыт үлэлэрин-хамнастарын, дьиҥ патриоттуу идиэйэлэрин хас биирдиибит салгыыр-сайыннарар, кинилэр ааттарын үйэлэргэ өрө тутар, кэнчээри ыччаттарбытыгар тиэрдэр ытык иэспит.
Тапталлаах өрөспүүбүлүкэбит муниципальнай тэриллиилэрэ – тыа сирдэрэ билигин тэтимнээхтик сайдаллар: нэһилиэктэргэ элбэх мэндиэмэннээх таас дьиэлэр дьэндэйэллэр, бөһүөлэктэри аныгы оҥоһуулаах болуоссаттар киэргэтэллэр, кэнчээри ыччаттарбыт, оҕолорбут бары өттүнэн хааччыллыылаах оскуолаларга, уһуйааннарга сайдаллар. Ол барыта улахан үлэттэн, дойду, эрэгийиэн салалтата норуот туһугар кыһаллар буолан ситиһиллэр.
Куруутун хатылыыр этиилээхпин: «Биһиги күүспүт – түмсүүгэ!» диэн. Арассыыйа курдук модун дойду олохтоохторо буолан олороммут, ханнык даҕаны кэмнэргэ бука бары дойдубут туһугар, сайдыы туһугар үлэлиэҕиҥ-хамныаҕыҥ, айыаҕыҥ-тутуоҕуҥ диэн ыҥырабын.
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…