Степан Саргыдаев: «Нэһилиэнньэ көҕүлээһинин бэйэтин түөлбэтигэр киллэрэригэр күүскэ үлэлиэхпит»

Дьокуускайга РФ Уопсастыбаннай балаататын «Сообщество» пуорумун бастакы күнүгэр уонча тэрээһин тэҥинэн барда.

Пуорум былаһааккаларыгар 1,1 тыһыынчаттан тахса киһи сырытта. Кинилэр истэригэр улуустар кэлбит дэлэгээссийэлэр элбэхтэр.

Чурапчы улууһун баһылыга Степан Саргыдаев салайааччылаах дэлэгээссийэ пуорумҥа өрө көтөҕүллэн кытта сылдьар. Степан Саргыдаев Арассыыйа бэрэсидьиэнэ Владимир Путин, Ил Дархан Айсен Николаев уопсастыбаннай тэрилтэлэри өйүүр дьаһалларын көдьүүстэрин бэлиэтээтэ.