Хаартыска sakha.gov.ru ылылынна
Алтынньы 10 күнүгэр Ил Түмэн улахан мунньахтыыр саалатыгар өрөспүүбүлүкэ Төрүт сокуонугар, Конституцияҕа, уларытыылары киллэриини публичнай дьүүллэһии буолаары турарынан уонна дьон-сэргэ ортотугар бара турар дьүүллэһиилэргэ холбоһон, бэйэм санаабын үллэстиэхпин баҕардым. Саха Өрөспүүбүлүкэтин Олохтоох салайыныыга сэбиэтин бэрэссэдээтэлин уонна Чурапчы улууһун баһылыгын быһыытынан Конституцияҕа чопчу олохтоох бэйэни салайыныыга аналлаах уларытыыны киллэриигэ сыһыаннаах этиигэ тохтуом.
Конституция 97 ыстатыйатын 2 чааһыгар киирбит этии хайдах да быыбары букатын суох оҥоруохха диэбэт, эбии көрүҥүнэн эмиэ талыахха сөбүн ыйар, талларар ис хоһоонноох. Ол курдук, олохтоох бэйэни салайыныыларын баһылыгын гражданнар быһаччы куоластаан итиэннэ бэрэстэбиитэллээх уорган нөҥүө талларан олохтуур көрүҥнэри киллэрэр этии буолар. Манна киһи быраабын ханнык да күөмчүлээһин суох дии саныыбын. Федеральнай сокуон быһыытынан, баһылыгы талыыга регионнар муниципальнай тэриллиилэригэр эбии быраап биэриллэр – ханнык көрүҥүнэн талары бэйэлэрэ быһаараллар.
Ол көрүҥтэн биирдэрэ — улуус баһылыгын улуус мунньаҕын депутаттара эбэтэр регион баһылыга талан аныахтарын сөп. Маннык талыы дойду уопсай федеративнай тутулугар сөп түбэһэр, ханнык да кэһии таһаарыллыбат. Тоҕо диэтэххэ, бу бэрэстэбиитэллээх уорган депутаттарын быыбардааччы бэйэтэ талан үлэлэтэр улахан эппиэтинэстээх коллегиальнай уорган буолар.
Бу дьүүллэһиллэр этиилэр олохтоох бэйэни салайыныы уоргана дьиҥнээхтии бар дьон баҕатынан сирдэтэр, күүстээх быһаарыылары ылынар уорган буола сайдарыгар бигэ тирэҕи биэрэр, дьон баҕатын учуоттуур, ону олоххо киллэриини туруулаһар кыаҕы өссө күүһүрдэн биэрэр суолталаахтар.
Бүгүн, тохсунньу 27 күнүгэр, Дьокуускай куоракка уонна Нам оройуонугар быстах кэмҥэ өрөмүөн үлэтэ буоларынан сибээстээн,…
Бүгүн, тохсунньу 27 күнүгэр, өрөспүүбүлүкэ соҕуруу, илин, хотугулуу-илин өттүгэр, киин оройуоннарга сорох сиринэн кыралаан хаардыаҕа.…
Арассыыйа эрэгийиэннэринэн аккордеоннаах бэлисипиэтинэн айанньыт Клим Калужских Дьааҥы куоратыгар тиийбит. Бу туһунан ТАСС-ка айанньыт иһитиннэрдэ.…
Былырыын 5 тыһыынчаттан тахса киһи өрөспүүбүлүкэ килииникэлэригэр уустук эмтэниини ааспыт. “Национальнай бырайыактар көмөлөрүнэн тутуллубут уонна…
Индия Калькутта куоратын чугаһыгар эмтэммэт Нипах вируһа тарҕаммыта бэлиэтэннэ. Билигин биэс киһи ыалдьыбыт, сүүсчэкэ киһи…
Кыбартыыраҕа счетчик суох буоллаҕына тымныы ууга төлөбүр кээмэйэ икки бүк улаатыаҕа. Бу туһунан дойду бырабыыталыстыбатын…