Хаартыска уонна видео: Елена Потоцкая.
Муниципальнай тэриллиилэр Сэбиэттэрин киэҥ ыҥырыылаах мунньаҕар РФ Бэрэсидьиэнин управлениетын салайааччытын солбуйааччы уонна ВАРМСУ президиумун чилиэнэ Евгений Грачев уонна ВАРМСУ хос бэрэссдээтэлэ Ирина Гусева кыттыыны ыллылар.
Өрөспүүбүлүкэ бырабыыталыстыбатын чилиэннэрэ, улуустар уонна куораттар уокуруктарын баһылыктара муниципальнай систиэмэ билиҥҥи туругун уонна кэлэр сылларга муниципалитеттар сайдыыларын хайысхаларын дьүүллэстилэр. Кэпсэтии сүрүн тиэмэтинэн 43 сүрүн нэһилиэнньэлээх пууннары сайыннарыы уонна 20-тэн тахса генеральнай былаан олоххо киирэн, куораттар уонна нэһилиэктэр саҥа көстүүлэрин оҥорууларыгар туһуланна.
“Өрөспүүбүлүкэ сайдыытыгар кэккэ сайдыы саҕахтара көстөллөр: социальнай эбийиэктэри тутабыт, уопсастыбаннай сирдэри, инфраструктураны тупсарабыт. Итини тэҥэ, сорох бырайыактар олоххо киириилэригэр мэһэйдиир харгыстар эмиэ бааллар: сир боппуруоһа, административнай быһаарыыны түргэнник ылыныыга бытаарыы уонна эппиэтинэһэ суох бэдэрээтчиттэри кытта ситэтэ суох үлэлээһин” диэн бэлиэтээн туран, Ил Дархан Айсен Николаев мунньах түмүгүнэн өрөспүүбүлүкэ бырабыыталыстыбатыгар уонна муниципальнай тэриллиилэр баһылыктарыгар кэккэ сорудаҕы биэрдэ.
Дьокуускайга буола турар «Төрөөбүт дойду – Арассыыйа күүһэ» диэн Бүтүн Арассыыйатааҕы III муниципальнай пуорум эрэгийиэннээҕи күннэригэр Чурапчы улууһун баһылыга Степан Саргыдаев бэркэ сүргэтэ көтөҕүллэн кытта сылдьар. Онон киниттэн бу суолталаах тэрээһин туһунан санаатын үллэстэригэр көрдөстүм.
https://t.me/sonun_sakhasire24/1370
Ити курдук, дойду 89 эрэгийэнин баһылыга салайар куораттарын, оройуоннарын көстүүлээх сирдэрин, эйгэлэрин сайыннарыыга, историческай архитектураны харыстааһыҥҥа, кэскиллээх урбааны сайыннарыыга саҥа көрүүлэри уонна сүүрээннэри ырытыһан, үлэ уопутун атастаһа сылдьаллар.
Ааспыт өрөбүл күннэргэ полицияҕа түөкүттэргэ түбэспит Саха сирин икки олохтооҕо сайабылыанньа суруйбут. Хоромньу уопсай суумата…
Дьокуускайга Михаил Николаев аатынан 40 нүөмэрдээх оскуолаҕа “Ыччат уонна оҕолор” национальнай бырайыак чэрчитинэн “Зимняя школа…
РФ бырабыыталыстыбатын бэрэссэдээтэлин солбуйааччы, Уһук Илиҥҥэ бэрэсидьиэн боломуочуйалаах бэрэстэбиитэлэ Юрий Трутнев Уһук Илин социальнай-экэнэмиичэскэй сайдыытын…
Саха сирин экэниэмикэтигэр 723 миллиард солкуобайдаах инвестиция киллэрилиннэ. Ол туһунан Айсен Николаев Уһук Илиҥҥи эрэгийиэннэр…
Бүгүн, тохсунньу 26 күнүгэр, СӨ Үлэҕэ уонна социальнай сайдыыга миниистирин бастакы солбуйааччыта Альбина Трубина өрөспүүбүлүкэ…
Дьокуускай куорат 3 №-дээх полициятын отделын дьуһуурунай чааһыгар эр киһи 5 тыһыынча солкуобайын уонна суотабай…