СИА хаартыската
Арассыыйа Бэрэсидьиэнэ Владимир Путин быһа кэпсэтиигэ араас боппуруоска чопчу хоруйдары биэрбититтэн астынныбыт диир Чурапчы улууһун баһылыга Степан Саргыдаев.
«Дойдубут Бэрэсидьиэнэ Владимир Владимирович Путин түөрт чаастан ордук барбыт быһа эпиирэ түмүктэннэ. Мин бу быһа эпиири көрөн олус астынным. Бүгүн бэйэбит ис бэлиитикэбититтэн саҕалаан аан дойду бэлиитикэтигэр тиийэ араас боппуруостар таарылыннылар. Биэрии саҕаланыытыгар Владимир Путин бүгүн аан дойду үрдүнэн сааҥсыйалар, бобуулар-хаайыылар бара турар кэмнэригэр биһиги экэниэмикэбит көрдөрүүтэ үүнэр уонна туруктаахтык сайдар диэбитин үөрэ иһиттибит. Ол курдук, холобур, бүгүн биһиги экэниэмикэбит үрдээһинэ уопсайа 3,5 % таҕыста – бу улахан көрдөрүү диэтэ. Маны таһынан судаарыстыбаннай иэс кыччаабытын бэлиэтээтэ. 46 млрд. солк. иэстээх буоллахпытына, бүгүн 32 млрд. диэри түһэрбиппит».
Быһа кэпсэтиигэ байыаннай дьайыы туһунан элбэх боппуруос киирбитин, улуус олохтоохторун билиҥҥи кэмҥэ олус долгутар боппуруос буоларын баһылык бэлиэтээтэ.
«Үгүстүк байыаннай дьайыы хаһан түмүктэнэр, эйэлээх олох хаһан кэлэр диэн ыйытыы турда, онуоха сыалбытын ситтэхпитинэ барыта бүтүөҕэ диэн хоруйдаата. Саха сиригэр үгүс киһини долгутар биир сүрүн боппуруоһунан – мобилизация иккис долгуна буолуо дуо диэн ыйытыы буолла. Дойду баһылыга бүгүн бэйэлэрин баҕа өттүлэринэн уонна хантарааҕынан 486 тыһыынча киһи дойдуларын көмүскэлигэр турунарга бэлэмнэр, онон мобилизация буолбат диэн эппиэттээтэ. Бу быһа кэпсэтиини көрө олорон, байыаннай дьайыы саҕаланыаҕыттан, уопсайа 14 Арассыыйа Дьоруойа баар буолла диэбитигэр, онтон түөрдэ биһиги уолаттарбыт буолалларыттан, биһиги, сахалар, киэн тутуннубут».
Степан Саргыдаев доруобуйа харыстабылыгар, чуолаан, «Земскэй дуоктар» төлөбүрүн 2 мөл. солк. диэри улаатыннарыахха диэбитин, итиниэхэ сыһыаннаах атын да этиилэрин, биһиэхэ тыа сиригэр каадыр тиийбэт сиригэр туһалаах буолуо диэн биһирии истибитин эттэ.
«Биһиэхэ Чурапчы улууһугар элбэх первичнэй бырагырааманан биэлсэр-акушер пууна тутулунна, көһө сылдьар мэдиссиинэ пууна кэллэ, нацбырайыагынан балыыһабыт иккис уочарата тутуллан киирэн эрэр. Аны туран, саҥа тэриллэн фермердэргэ элбэх көмө оҥоһулар, өссө даҕаны тыа хаһаайыстыбатын салгыы өйүөхпүт диэбититтэн астынныбыт. Манан ылан көрдөххө, дойду Бэрэсидьиэнэ Владимир Путин Саха сирин өйүүрэ көстөр. Ол аата Ил Дархаммыт Айсен Николаев өрөспүүбүлүкэ кыһалҕалаах боппуруостарын сөпкө туруорара, тириэрдэрэ көстөр. Биһиги Бэрэсидьиэммит Владимир Путин аан дойду биир бастыҥ лиидэрэ буоларын бигэргэттэ».
Хас да эдэр киһи хамаанда тэринэн, куорат олохтоохторугар уонна ыалдьыттарыгар Дьокуускай куорат устуоруйатын сиһилии кэпсиир…
Пилота суох көтөр аппарааттар, дирижабллар уонна экранопланнар инникитин хотугу таһаҕаһы тиэрдии — ол эбэтэр, Сибиир уонна…
Үөрэх үлэһиттэрин атырдьах ыйынааҕы мунньаҕа, ааспыт сыллары кытта тэҥнээтэххэ, тус бэйэм санаабар, ордук кыһалҕалааҕынан, итиэннэ…
Саха сирин синоптиктара балаҕан ыйын 1 күнүгэр былыттаах, сөҥүүтэ суох күнү-дьылы билгэлииллэр. Күн-дьыл хайдах буолуоҕун…
Киэҥ нэлэмэн хонуу ортотугар араас тиэхиньикэнэн оттуу сылдьар дьону утары көрбүтүнэн тиийдим. Бастаан утаа “уолаттарбын…
Тренд, муода барыта батысыһыылаах уонна ардыгар иэдээннээх буолар. Ол курдук, самокаттан саҕаламмыт муода аны питбайк…