Степан Степанов СӨ үөрэх миниистирин собуйааччынан ананна

Ил Дархан Айсен Николаев  тохсунньу 21 күнүнээҕи Ыйааҕынан СӨ үөрэҕин уонна билимин миниистирин солбуйааччынан Степан Степановы анаата.

Степан Степанов М.К.Аммосов аатынан Хотугулуу-Илиҥҥи федеральнай университеты бүтэрбитэ.

Үлэтин 2009 сыллаахха Х.М.Николаев аатынан Өлөөн орто оскуолатыгар нуучча тылын уонна литэрэтиирэтин учууталынан саҕалаабыта.

Кэлин Дьокуускай куорат 7-с нүөмэрдээх оскуолатыгар, “Айыы Кыһата” оскуолаҕа, Идэ сатабылларын сайыннарар кииҥҥэ “Эдэр профессионаллар” (Ворлдскиллс Россия) хамсааһыны сайыннарар дириэксийэҕэ кылаабынай исписэлииһинэн,  Идэҕэ үөрэтэр тэрилтэлэри сайыннарар институкка исписэлииһинэн үлэлээбитэ.

2020 сыллаахха Үөрэх уонна билим министиэристибэтин орто анал үөрэххэ салаатын кылаабынай исписэлииһинэн анаммыта.

2022 сылтан күн бүгүҥҥэ диэри Үөрэх уонна билим министиэристибэтин үөрэх эбийиэктэрин информационнай харыстабылга, комплекснай куттал суох буолуутун хааччыйыыга салаатын салайда.

Бүтэһик сыл аҥаарын кэмигэр РФ саҥа сирдэригэр социальнай эбийиэктэри чөлүгэр түһэриигэ үлэлээтэ.

Ил Дархан уонна Бырабыыталыстыба пресс-сулууспата.