Степанида Артахинова оҕунан ытыыга Саха сирин сүүмэрдэммит хамаандатын салайааччытынан ананна

Паралимпиада оонньууларын призера, аан дойду, Европа уонна Арассыыйа хас да төгүллээх чөмпүйүөнэ Степанида Артахинова оҕунан ытыыга Саха сирин сүүмэрдэммит хамаандатын салайааччытынан ананна. Бу туһунан «Триумф» прессс-сулууспата иһитиннэрэр.

Арассыыйа успуордун үтүөлээх маастарын бу дуоһунаска аныыр быһаарыы биир сүбэнэн ылылынна. Ити үрдүнэн, Степанида Артахинова күрэхтэһиилэргэ кыттарын салгыаҕа. Ааттаах-суоллаах күрэсчит баай уопута хамаанда туһатыгар үлэлиэхтээх. Итини таһынан, Саха сирин оҕунан ытыыга сүүмэрдэммит хамаандатын састаабыгар өссө биир уларыйыы баар — успуорт маастара Айаал Федоров тириэньэрдэр ыстаабын састаабыгар киирдэ.