Степанида Артахинова уонна Виктор Скрыбыкин Арассыыйа Куубагын иһин киирсиэхтэрэ

Успуорт үтүөлээх маастара Степанида Артахинова уонна Норуоттар икки ардыларынааҕы кылаастаах успуорт маастара Виктор Скрыбыкин бүгүн, бэс ыйын 9 күнүгэр, оҕунан ытыыга Арассыыйа Куубагын финалыгар кытталлар.

Ол туһунан «Триумф» пресс-сулууспата иһитиннэрдэ. Икки спортсменнар күрэхтэһии финальнай чааһыгар ситиһиилээхтик таҕыстылар.

Бүгүн кинилэр булкаас хамаандаҕа көмүс иһин киирсэллэр. Күрэхтэһии киэһэ 18:30 чаастан саҕаланар.

Оттон сарсын, бэс ыйын 10 күнүгэр, иккиэн финалга биирдиилээн бастыыр иһин күрэхтэһиигэ тахсыахтара.