«Стратус» коронавирус сибикилэрин хайдах билэбит?

Коронавирус «стратус» көрүҥэ ОРВИ сибикилэригэр майгынныырын, ол эрээри бу ыарыыгы сыстыбыт дьон куоластара кэһиэҕирэрин туһунан Роспотребнадзор эпидемиологияҕа молекулярнай диагностикатын киинин салайар эспиэрэ Михаил Лебедев РИА Новости саайтка иһитиннэрбит.

Кини бэлиэтээбитинэн, «стратус» диэн аатынан биллибит коронавирус XFG көрүҥэ «омикрон» «утумнааччытынан» буолар.

«Стратустаабыт» киһи ыарыыта чэпчэкитик ааһыан сөп, ыарыы сибикилэрэ ОРВИ-га майгынныыр: төбө ыалдьыан, күөмэй аһыйыан, сөтөллүөххэ, мурун бүөлэниэн, тымныйыы киириэн, уопсай турук мөлтүөн сөп. Ол эрээри, «стратус» биир ураты сибикитинэн куолас кэһиэҕириитэ, бэл быстах кэмҥэ сүтэн ылыыта буолуон сөп. Бу сибики ыарыы сыстыбыта 1-2 күннэригэр биллиэн сөп диэн эспиэр эппит.