«Стрела солнца: лучный спорт без границ» бырайыак Бэрэсидьиэн пуондатын гранын ылла

Тохсунньу 15 күнүгэр Арассыыйа Бэрэсидьиэнин дьаһалтатын салайааччытын бастакы солбуйааччыта Сергей Кириенко салайан ыыпыт мунньаҕар куонкурус түмүгүн таһаарда. Дойду үрдүнэн уопсайа 9310 бырйыак киирбит, онтон 1469-һа талыллыбыт. Бу туһунан Нам улууһун дьаһалтатын пресс-сулууспата иһитиннэрэр.

Нам улууһун Хамаҕатта нэһилиэгин олохтоохторун социальнай өйөбүлүн уопсастыбаннай тэрилтэтин «Стрела солнца: лучный спорт без границ» бырайыага кыайыылаах буолла. Грант суумата – 1430062 солкуобай.

Барыл салайааччыта Саха Өрөспүүбүлүкэтин ох саанан ытыыга успуордун маастара Эрилик Күндайаана Уус кыыһа.

Нам улууһун Кириэс-Кытыл нэһилиэгэр баар сылы быһа үлэлиир лукодромҥа 3840 дьарык, 17 маастар-кылаас уонна 9 өрөспүүбүлүкэтээҕи күрэхтэһии ыытыллыаҕа.

Бу бырайыак уратыта – ох саанан ытыы саха норуотун биир дириҥ силистээх дьарыга. Бу ураты успуорт көрүҥүн сайыннарыы төрүт үгэстэри салгыырга уонна ыччаты патриотту тыыҥҥа иитэргэ улахан суолталаах.