Хаартыска: СИА
Томпо улууһун Тополинайыгар олорор Стручковтар дьиэ кэргэттэрэ Бүтүн Арассыыйатааҕы «Бастыҥ дьиэ кэргэн» куонкуруска «Семья — хранитель традиций» номинациятыгар кыайда. Бу туһунан Ил Дархан Айсен Николаев иһитиннэрдэ.
«Түөрт оҕолоох көс ыал Варвара Андреевна уонна Дмитрий Семенович Стручковтар — удьуор табаһыттар, өбүгэлэрин төрүт үгэстэрин илдьэ сылдьар уонна оҕолоругар, сиэннэригэр тиэрдэр соруктаахтар. Кинилэр өссө төгүл дакаастаатылар: Саха сирин баайа, модун күүһэ — бигэ туруктаах дьиэ кэргэттэригэр, үлэһит, сиэрдээх дьонугар» диэн кини телеграм-ханаалыгар суруйда.
Бүтүн Арассыыйатааҕы куонкуруска 86 эрэгийиэнтэн 384 дьиэ кэргэн кыттыбыт. Маннык улахан куонкуруска кыайыы — улахан ситиһии.
Стручковтар бу иннинэ өрөспүүбүлүкэтээҕи «Көс ыал-2023» күрэскэ кыайбыттара. Ону тэҥэ, ыал ийэтэ Хотугу норуоттар бэһис оонньууларыгар табанан наарталаах сүүрдүүгэ бастаабыта.
Ону тэҥэ, Бүтүн Арассыыйатааҕы «Бастыҥ ыал-2023» куонкуруска «Семья — хранитель традиций» номинацияҕа Саха сириттэн төрүттээх Кузьма Николаевич уонна Татьяна Валериановна Юзвиктар дьиэ кэргэттэрэ эмиэ кыайбыта. Кинилэр Ленинградскай уобаласка көһөн олороллор, педагогическай династия утумнааччылара буолаллар. Хос эбэлэрэ Александра Винокурова — Халыма бастакы учууталларыттан биирдэстэрэ диэн СИА суруйар.
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…