Василий Кононов (Ил Түмэн) хаартыската.
Уочараттаах пленарнай мунньах кэмигэр өрөспүүбүлүкэ дьокутааттара тыа хаһаайыстыбатын боппуруостарыгар сыһыаннаах сокуоннары тумнубатылар. Ол курдук, “СӨ тыа хаһаайыстыбатын сайыннарыы туһунан» сокуонугар Ил Түмэн дьокутааттара кэккэ уларытыылары киллэрдилэр.
Уларытыылары киллэрэр быһаарыы сурукка ыйылларынан, бу кэккэ уларытыылары киллэрии “СӨ тыа хаһаайыстыбатын сайыннарыы туһунан» сокуона туһааннаах федеральнай сокуону кэһэр өрүттэрдээҕинэн сибээстээн, СӨ Прокуратуратын өттүттэн итилэри туоратар уонна эбиилэри киллэрэр ирдэбиллэргэ олоҕуран бэлэмнэммит.
Бу сокуоҥҥа уларытыылары киллэриигэ хаһаайыстыбалар субсидия ылыыга элбэх административнай ирдэбиллэри ааһыыларын аҕыйатыы көрүллүөхтээх. Итиэннэ тыа хаһаайыстыбатын табаарын оҥорооччулар олохтоммут ирдэбиллэргэ төһө сөп түбэһиилэрин бэрэбиэркэлээһин сүүмэрдиир куонкурус кэмигэр ыытыллыахтаах.
Тыа хаһаайыстыбатынан дьарыктанар тэрилтэ туһунан ханнык эмэ информация биир кэлим реестргэ киирбэккэ хаалыыта субсидияны биэриини быһаарыыга дьайыа суох тустаах.
Сокуон 11 ыст. саҥа чочуллубут суруллуутугар борокуратуура ирдэбилэ туоратылынна. Ол курдук, ситэ ылыллыбатах дохуоту толуйуу, ороскуоту сабыыны үбүлээһин эбэтэр толуйуу бэрээдэгинэн судаарыстыбаннай субсидияны биэрии усулуобуйата чуолкайданна. Бырабыыталыстыба тыа хаһаайыстыбатын уонна соҕотуопка бородууксуйаларыгар олохтообут кэрискэтигэр киирэр бородууксуйаларга соҕотуопкалааччы атыылаһыы сыанатын саамай алын кээмэйин тутуһарыгар эбээһинэстиир боппуруос дьүүллэһилиннэ.
көрүллэр.
Туһааннаах сокуон сорох ыстатыйалара уонна пууннара тохтотулуннулар, холобура, 2 ыст., 2 чааһын, 8, 9, 10, 15 пууннара. Маны таһынан сокуон барылыгар соҕотуопкалааһын, тыа хаһаайыстыбатын табаарын оҥоруу, батарыы билигин үлэлии турар тиһигин ууратар этии баар. Сокуон 5 ыст., 1 чааһын 2 пуунугар «соҕотуопкалыр тэрилтэлэр” диэн тыл оннугар “тыа хаһаайыстыбатын бородууксуйатын бастакы түһүмэҕин оҥорон таһаарыыга уонна (эбэтэр) салгыы (бырамыысыланнай) астааһынҥҥа үлэлиир тэрилтэлэр уонна биирдиилээн урбаанньыттар” диэҥҥэ уларытан биэрии көрүлүннэ.
Ити курдук, сокуоҥҥа баар хос-хос хатыланар өйдөбүллэри сааһылыыр туһуттан сорох тыллары саҥалыы көннөрүү, чуолкайдааһын, судаарыстыбаттан субсидияны ылыыга баар элбэх административнай ирдэбиллэри ааһыыны аҕыйатыы ыытылынна.
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…
«Чолбон» сурунаал балаҕан ыйынааҕы нүөмэригэр: - «Улуу Кыайыы айымньыларыгар» норуот суруйааччыта Николай Лугинов номоххо киирбит…
ИДьМ Тааттатааҕы салаатын дьуһуурунай чааһыгар, 83 саастаах аҕам саастаах киһиэхэ кимэ биллибэт киһи саба түспүтүн…
Саха Өрөспүүбүлүкэтин Судаарыстыбаннаһын күнүгэр, балаҕан ыйын 27 күнүгэр, 19:00 чаастан Ил Дархан Айсен Николаевы кытта…
Дьокуускайга ПСБ баан Саха Өрөспүүбүлүкэтигэр аан бастаан ыытыллыбыт “ЭтноРан.ЯКУТИЯ 2025” спортивнай-култуурунай сүүрүүнү өйөөн, тэрээһин анал…