Хаартыска Дьокуускай куорат дьаһалтатын пресс-сулууспатыттан
Дьокуускайга «Туймаада саллаата» мемориальнай комплекска ыытыллыбыт патриотическай субуотунньукка эдэр армеецтар, ыччаттар уонна Губинскай уокурук бэтэрээннэрин сэбиэтин бэрэстэбиитэллэрэ кытыннылар.
Субуотунньук Улуу Кыайыы 78 сылынан, «Верни Герою имя» Бүтүн Арассыыйатааҕы патриотическай аахсыйа иитинэн ыытыллар. Аахсыйа кыттыылаахтара Арассыыйа үрдүнэн субуотунньуктууллар, пааматынньыктар тастарын бэрээдэктииллэр.
Бүтүн Арассыыйатааҕы «Эдэр армеецтар» хамсааһын эрэгийиэннээҕи отделениетын ыстаабын начаалынньыга Александр Кузьмин эстэпиэтэ манан бүппэккэ өрөспүүбүлүкэҕэ салҕанарын туһунан иһитиннэрдэ.
«Субуотунньук мемориальнай комплекстары харыстыыр, үүнэр көлүөнэни дойдуга бэриниилээх буолууга иитэр-үөрэтэр сыаллаах-соруктаах ыытыллар. Ыстаап Губинскай уокурук управатыгар уонна Дьокуускай куорат бэтэрээннэрин сэбиэтигэр патриотическай аахсыйаны ыытыыга көмөлөрүн, өйөбүллэрин иһин махтаналын биллэрэр«, — диэн эттэ Александр Кузьмин.
Сэттис кылаас үөрэнээччитэ Иван Гамзяков маннык тэрээһиннэр төрөөбүт дойдуну таптыырга, бэриниилээх буоларга иитэллэрин бэлиэтээтэ, субуотунньукка үөрүүнэн кыттыбытын эттэ.
Дьокуускай куорат дьаһалтатын пресс-сулууспата
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…