Субуотунньуктар көмөлөрүнэн куораппыт ырааһыран эрэр

Бу күннэргэ Дьокуускай куоракка ырааһырдыы субуотунньуктара ыытылла тураллар. 

Октябрьскай уулусса туһаайыытынан бүгүн Ил Түмэн аппараатын үлэһиттэрэ күргүөмнээхтик субуотунньуктуу сылдьалларыгар түбэһэн кэпсэттим.

— Нэдиэлэ устата куорат мээрийэтэ биэрбит аадырыстарынан үлэлии сылдьабыт. Бүгүн Орджоникидзе уулусаттан Октябрьскай уулуссаны хабан, Автовокзал оройуонугар диэри хомуйа сылдьабыт, — диэн Ил Түмэн Аналитическай управлениетын салайааччытын солбуйааччы Ефросинья Григорьева кэпсээтэ.

Ити курдук, хас биирдии тэрилтэ олохтоохтук ылсан биир күүһү түмэн субуотунньуктаатаҕына эрэ, кыһыны быһа мунньуллубут бөх-сах хомуллар буоллаҕа.