Ыам ыйын 21 күнүгэр тутуу министиэристибэтин үлэһиттэрэ Нам улууһун Тумул нэһилиэгэр халаантан эмсэҕэлээбит дьоҥҥо көмөлөстүлэр.
Халаан содулун туоратыыга госсакаас сулууспатын, олорор дьиэни тутуу дириэксийэтэ, РИА СЗ АУо үлэһиттэрэ хомуйар-ыраастыыр үлэҕэ сырыттылар. Тутуу миниистирин солбуйааччы Александр Баланов салайар бөлөҕө волонтердары кытта ууга барбыт дьиэлэринэн, тиэргэннэринэн сылдьан субуотунньуктаатылар.
«Биллэн турар, ыарахан үлэни кыһалҕаҕа баттатан, аймана сылдьар дьон бэйэлэрин эрэ күүстэринэн кыайбаттара чахчы. Ордук биэнсийэлээх дьон. Онон маннык анаан тэринэн кэлэн көмөлөһөр хайаан да наада. Элбэх буолан үлэлээтэххэ, биир күнүнэн бүтэр үлэ. Оттон олохтоохтор бэйэлэрэ хас күннэрин барыахтара биллибэт. Онон маннык үлэ дэсээнинэн кэлэн өссө да салгыы үлэлиэхпит. Нэдиэлэ бүтүүтэ уу улаханнык түһүөҕэ. Бу кэмҥэ күүстээх үлэ барыан наада», – диэн санаатын үллэһиннэ Александр Баланов.
Маны таһынан, Тумулга «Якутпниис» АУо үлэһиттэрэ гуманитарнай көмөнү аҕалан биэрдилэр. Ол курдук, бородуукта, баллоннардаах гаас билиитэтин, бытовой химия, сылаас суорҕан уонна утуйар таҥас аҕалан биэрдилэр.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…