Судаарыстыбаннай Дуума быраастары холуобунай эппиэтинэстэн босхолоото

Дьокутааттар мэдиссиинэ үлэһиттэрин олуона суох холуобунай эппиэтинэстэн эккирэтииттэн көмүскүүр сокуон ылыннылар. Бу туһунан «Парламентская газета» иһитиннэрдэ.

Саҥа сокуон барылын көннөрүүлэринэн, Холуобунай кодексатын 238-с ыстатыйанан быраастар үлэлэригэр куттала суох буолуу ирдэбилигэр эппиэттээбэт өҥөнү оҥорууга эппиэтинэһи сүктэрии туттуллуо суоҕа.

Судаарыстыбаннай Дуума доруобуйа харыстабылын кэмитиэтин бэрэсээдээтэлин бастакы солбуйааччы Бадма Башанкаев бу быһаарыы үрдүк суолталааҕын бэлиэтээтэ: «Быраастар күн ахсын киһи олоҕун быһыыллар, саамай уустук балаһыанньалары көрсөллөр, ыксаллаах, быһыыга-майгыга былааннаах, үрдүк технологиялары туһанан көмөнү оҥороллор. Өҥөнү оҥоруу буолбакка, чопчу көмөнү оҥороллор! Онон саҥа сокуон барыла эмчиттэргэ үлэлэригэр арыый да чэпчэкитик сыһыаннаһалларыгар көмөлөһүө», — диэн бэлиэтээтэ.

Дьокутааттар уонна сенатордар сокуоҥҥа саҥа көннөрүүлэри иккис ааҕыыга ылыннылар. Доруобуйа харыстабылын министиэристибэтин салайааччыта Михаил Мурашко парламентарийдарга Арассыыйаҕа доруобуйа харыстабылын бүтүн тиһигэр сүҥкэн суолталаах быһаарыыны ылыммыттарыгар махтанна.