Судаарыстыбаннай бириэмийэлэргэ докумуоннары тутуу саҕаланна

Саха сиригэр материальнай производство салаатыгар судаарыстыбаннай бириэмийэлэргэ докумуоннары тутуу саҕаланна.

Бырамыысыланнас уонна геология эйгэтигэр  Ю.Н.Прокопьев,  тутуу уонна архитектура  эйгэтигэр С.Н.Маркин, тырааныспар,  дьиэ-уот хомунаалынай хаһаайыстыба уонна хааччыйыы эйгэтигэр И.Е.Винокуров ааттарынан судаарыстыбаннай бириэмийэлэргэ хандьытааттары туруораллар.  Докумуоннары сэтинньи 1-30 күннэригэр туталлар.

Сайаапкалары үлэ кэлэктииптэрэ, уопсастыбаннай тэрилтэлэр, билим тэрилтэлэрин учуонай сэбиэттэрэ  уонна үрдүк үөрэх тэрилтэлэрэ киллэрэллэр. Онуоха кэлэктиип хандьытаата 5 киһиттэн ордуо суохтаах.

Докумуоннарын маннык аадырыстарга туталлар: Саха Өрөспүүбүлүкэтин Бырамыысыланнаска уонна геологияҕа министиэристибэтэ, 677892, Дьокуускай куорат, Киров уулуссата 13, кэб. 407, билсэр төлөпүөн (4112) 507-794, Павлова Айталина Александровна.

Үлэлиир эрэһиимэ: бэнидиэнньиктэн-бээтинсэҕэ диэри 9-18.30 чч. (12.30-14.00 тохтобул)