Судаарыстыбаннай Дуума пресс-сулууспата
Арассыыйа парламенын алын палаатата сааскы сиэссийэтин түмүктээтэ. Судаарыстыбаннай Дуума бэрэссэдээтэлэ Вячеслав Володин иһитиннэрбитинэн, тохсунньуттан ыла барыта үс сүүстэн тахса сокуон ылыныллыбыт.
Судаарыстыбаннай Дуума бэрэссэдээтэлэ Вячеслав Володин иһитиннэрбитинэн, сааскы сиэсcийэ кэмигэр, тохсунньуттан саҕалаан, барыта 331 сокуон ылыныллыбыт. Үгүс сокуон дьиэ кэргэни, биэнсийэлээхтэри, байыаннай дьайыы кыттыылаахтарын өйөөһүҥҥэ туһуламмыт. Холобур, эһиилгиттэн ыла үлэлиир биэнсийэлээхтэргэ биэнсийэлэрэ эмиэ үрдүөхтээх. Билигин үлэлээбэт эрэ биэнсийэлээхтэргэ сылын аайы индексация бара турар.
Ону сэргэ нолуок систиэмэтигэр уларыйыылар киирбиттэрэ. Санатан эттэххэ, эһиилгиттэн үлэһит сылга 2,4 мөлүйүөн солкуобайтан элбэх хамнаһы аахсар буоллаҕына, дохуотуттан тутуллар нолуок сыыйа үрдээн барыахтаах. Бу уларыйыыга байыаннай дьайыы кыттыылаахтарын, Уһук Хотугу сиргэ үлэлиир дьон хамнастара хапсыбат. Бу сокуон быйыл от ыйыгар ылыныллыбыта.
Вячеслав Володин бэлиэтииринэн, Судаарыстыбаннай Дуума быйыл аан бастакытын бырабыыталыстыба састаабын бигэргэппит: “Арассыыйа саҥа историятыгар Судаарыстыбаннай Дуума аан бастакытын бырабыыталыстыба састаабын бигэргэттэ. Ол курдук, бырабыыталыстыба бэрэссэдээтэлэ, кини солбуйааччылара, туһааннаах миниистирдэр бигэргэннилэр”, — диэн иһитиннэрэр кини.
Дьокутааттар сэттис сиэссийэлэрин балаҕан ыйын 3 күнүттэн саҕалыахтара. Биир ый устата дьокутааттар бэйэлэрин уокуруктарынан быыбардааччыларын кытары көрсүһүөхтэрэ.
Ааспыт сууккаҕа өрөспүүбүлүкэҕэ 3 буруйу оҥоруу тахсыбыта бэлиэтэннэ, бу дьыалаларынан процессуальнай бэрэбиэркэлэри ыытыы уонна холуобунай…
Атамайга сынньалаҥ киинин дьиэтигэр "Долгууна" үҥкүү ансаамбыла (сал. Алла Филипповна Павлова) тэриллибитэ 10 сыллаах үбүлүөйдээх…
Ааспыт сууккаҕа 9 техногеннай баһаар тахсыбыт. Иһитиннэриллибитинэн 1 киһи өлбүт, 2 киһи эмсэҕэлээбит. Баһаары умуруорууга…
2025 сыл ахсынньы 21 күнүгэр – Саха Өрөспүүбүлүкэтин Абый оройуонун ситэриилээх уорганын дьокутааттарын быыбара буолар…
Үөһээ Бүлүү улууһугар полиция дьуһуурунай чааһыгар эр киһи сэттэ тыһ. кэриҥэ суумалаах суотабайын уордарбытын туһунан…
Бүгүн, ахсынньы 15 күнүгэр, Ил Дархан Айсен Николаев "Россия 24" телеханаалга ГТРК "Саха" "Прямой разговор"…