Судаарыстыбаннай Дуума пресс-сулууспата
Арассыыйа парламенын алын палаатата сааскы сиэссийэтин түмүктээтэ. Судаарыстыбаннай Дуума бэрэссэдээтэлэ Вячеслав Володин иһитиннэрбитинэн, тохсунньуттан ыла барыта үс сүүстэн тахса сокуон ылыныллыбыт.
Судаарыстыбаннай Дуума бэрэссэдээтэлэ Вячеслав Володин иһитиннэрбитинэн, сааскы сиэсcийэ кэмигэр, тохсунньуттан саҕалаан, барыта 331 сокуон ылыныллыбыт. Үгүс сокуон дьиэ кэргэни, биэнсийэлээхтэри, байыаннай дьайыы кыттыылаахтарын өйөөһүҥҥэ туһуламмыт. Холобур, эһиилгиттэн ыла үлэлиир биэнсийэлээхтэргэ биэнсийэлэрэ эмиэ үрдүөхтээх. Билигин үлэлээбэт эрэ биэнсийэлээхтэргэ сылын аайы индексация бара турар.
Ону сэргэ нолуок систиэмэтигэр уларыйыылар киирбиттэрэ. Санатан эттэххэ, эһиилгиттэн үлэһит сылга 2,4 мөлүйүөн солкуобайтан элбэх хамнаһы аахсар буоллаҕына, дохуотуттан тутуллар нолуок сыыйа үрдээн барыахтаах. Бу уларыйыыга байыаннай дьайыы кыттыылаахтарын, Уһук Хотугу сиргэ үлэлиир дьон хамнастара хапсыбат. Бу сокуон быйыл от ыйыгар ылыныллыбыта.
Вячеслав Володин бэлиэтииринэн, Судаарыстыбаннай Дуума быйыл аан бастакытын бырабыыталыстыба састаабын бигэргэппит: “Арассыыйа саҥа историятыгар Судаарыстыбаннай Дуума аан бастакытын бырабыыталыстыба састаабын бигэргэттэ. Ол курдук, бырабыыталыстыба бэрэссэдээтэлэ, кини солбуйааччылара, туһааннаах миниистирдэр бигэргэннилэр”, — диэн иһитиннэрэр кини.
Дьокутааттар сэттис сиэссийэлэрин балаҕан ыйын 3 күнүттэн саҕалыахтара. Биир ый устата дьокутааттар бэйэлэрин уокуруктарынан быыбардааччыларын кытары көрсүһүөхтэрэ.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…