Судаарыстыбаннай Дуума үһүс ааҕыыга анал байыаннай эпэрээссийэҕэ баҕа өттүнэн кыттар дьону бойобуой дьайыы бэтэрээнин ахсааныгар киллэрэр туһунан сокуону ылынна.
Мантан инньэ, бойобуой дьайыы бэтэрээнин уонна бойобуой дьайыы инбэлиитэ ааты байыаннай сулууспалаахтар эрэ буолбакка, анал эпэрээссийэ хаамыытынан сорудаҕы толорууга көмөлөһөр баҕа өттүнэн барбыт дьон эмиэ хапсыахтара диэн РГ суруйар.
Судаарыстыбаннай Дуума бэрэссэдээтэлэ Вячеслав Володин бу сөптөөх быһаарыы буоларын ыйан туран, анал эпэрээссийэҕэ бэйэлэрин баҕаларынан барбыттар уонна кинилэр дьиэ кэргэттэрэ сокуонунан олохтоммут чэпчэтиилэри уонна социальнай өйөбүл миэрэлэринэн туһаныахтара диэн бэлиэтиир.
Докумуону Судаарыстыбаннай Дуума спикерэ уонна Федерация Сэбиэтин бэрэссэдээтэлэ Валентина Матвиенко салайааччылаах бары фракциялар дьокутааттара уонна сенатордара киллэрбиттэр. Сокуон бырайыагар быйылгы сыл олунньу 24 күнүттэн саҕалаан, анал байыаннай эпэрээссийэ иитинэн РФ сэбилэниилээх күүстэригэр 15 тыһ. баҕа өттүнэн барбыт дьону хабыллар.
Судаарыстыбаннай Дуума оборуонаҕа кэмитиэтин бэрэссэдээтэлин бастакы солбуйааччы Андрей Красов дойдуга уустук кэмҥэ туора туран хаалбакка, сүрэхтэрин баҕатынан Донбасс олохтоохторун көмүскүүргэ туруммуттарын бэлиэтиир. Көрүллэр чэпчэтиилэри сэргэ, эмтэнэр сиргэ барыылара уонна төттөрү кэлиилэрэ төлөнүөҕэ, чэпчэтиилээх путевка уонна босхо эмп көрүллүөҕэ.
Көрүллэр чэпчэтиилэр ахсааннарыгар – бойобуой дьайыы бэтэрээннэригэр уонна инбэлииттэригэр биир кэмнээх уонна ыйдааҕы төлөбүрдэр, олорор дьиэ төлөбүрүн ороскуотугар 50% кэмпэнсээссийэ киирэр диэн Судаарыстыбаннай Дуума бырамыысыланнаска уонна атыыга кэмитиэтин баһылыга Владимир Гутенев иһитиннэрэр.
Судаарыстыбаннай Дуума сырдатыыга кэмитиэтин бэрэссэдээтэлин бастакы солбуйааччы, “Сиэрдээх Арассыыйа – кырдьык туһугар” фракция дьокутаата Яна Лантратова Украинаҕа РФ анал эпэрээссийэтигэр кыттар байыаннайдар бары бойобуой дьайыы бэтэрээннэрэ ааттаныахтара (статус) диэн иһитиннэрэр.
Салгыы РГ суруйуутун ааҕыҥ.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…