Судаарыстыбаннай Дуума дьокутаата «чайлдфри» диэн тылы боборго туруорсар

РФ Судаарыстыбаннай Дууматын дьиэ кэргэн, дьахтар уонна оҕо боппуруостарыгар кэмитиэтин бэрэссэдээтэлин бастакы солбуйааччы Татьяна Буцкая “чайлдфри” диэн тылы Арассыыйаҕа сокуонунан бобор туһунан этии киллэрдэ.

Дьокутаат этэринэн, бу “чайлдфри” хамсааһын оҕото суох олоҕу баҕа өттүнэн талааһын арҕаа дойдулар куһаҕан дьайыыларыттан биирдэстэрэ буолар. “Ыччат ортотугар оҕолонору утарар санаалаахтар бырыһыаннара элбээн иһэр, онон бобуллара сөп”, — диэн быһаарар Татьяна Буцкая.

Бу тылы тиэрмин быһыытынан күннээҕи олоххо-дьаһахха көҥүл туттуу эдэр дьоҥҥо оҕото суох олоҕу сөптөөх үгэс курдук саныылларыгар угуйуон сөп. 

Хаартыска:  СИА.