Бу күннэргэ Саха сириттэн Судаарыстыбаннай Дуума дьокутаата Галина Данчикова «Малая Родина — сила России» муниципалитеттар Бүтүн Арассыыйатааҕы пуорумҥа кыттыбыт Өлүөхүмэ улууһун дэлэгээссийэтин кытары көрүстэ. Дэлэгээссийэни Өлүөхүмэ улууһун баһылыга Николай Харбин салайан илдьэ сырытта.
Саха сирин биир бөдөҥ тыатын хаһаайыстыбатын улууһун нэһилиэктэрин баһылыктара Галина Данчикова улуус сайдыытыгар сөптөөх хайысхалары сэҥээрбиттэрин, өссө тугу интэриэһиргии көрбүттэрин-истибиттэрин кэпсээтилэр.
Баһылыктар Москваҕа тиийиэхтэригэр диэри дойду 8 тыһыынча кэриҥэ муниципальнай тэриллиилэрин баһылыктарын түмпүт пуорум маннык киэҥ далааһыннаах буолуоҕун ким да өйүгэр оҥорон көрбөтөҕүн эттилэр. Аны туран, кинилэр иннилэригэр Арассыыйа лиидэрэ Владимир Путин тахсан тыл этиэ диэн ким да санаабатаҕын эттилэр.
Кини ис уонна тас бэлиитикэ, муниципальнай тэриллиилэр сайдыыларыгар уонна дьон олоҕун хаачыстыбатын тупсарыыга ураты кылааттарын киллэрбит дойду муниципалитеттарын саамай бастыҥ бэрэстэбиитэллэригэр «Служение» бириэмийэни олохтооһун туһунан баай ис хоһоонноох, ылыннарыылаах этииитэ баһылыктар дууһаларыгар дириҥник киирэн патриотическай санааларын кылын таарыйбытын кэпсээтилэр.
Баһылыктар өйдөрүгэр хатанан хаалбыт киэҥ далааһыннаах пуорум туһунан санааларын үллэстэн баран Галина Данчикованы кытары Өлүөхүмэ улууһун олохтоохторун долгутар сытыы кыһалҕалары дьүүллэстилэр. Кинилэр ааспыт сыл атырдьах ыйыгар парламентарий тиийэ сырыттаҕына туруорсаннар, Өлүөхүмэ аэропуордун реконструкциялааһын уонна тутулла турар элбэх кыбартыыралаах дьиэ бастакы этээһигэр Галина Данчикова этиитинэн оҕо поликлиникатын аһан үлэлэтии туһунан боппуруостара оннуттан хамсаабыта. 2023 с. сэтинньитигэр РФ Бырабыыталыстыбатын Бэрэссэдээтэлэ Михаил Мишустин Өлүөхүмэ аэропуордун саҥардан оҥорууга үп тыырыллыа диэн эппитэ.
Быстах кэмҥэ Киин оройуоннааҕы балыыһа дьиэтигэр баар оҕо балыыһатын үлэтин-хамнаһын туһунан улуус баһылыга Николай Харбин кэпсээтэ. Оттон пуорумҥа дэлэгээт быһыытынан кытта кэлбит нэһилиэк баһылыктара дьокутаакка бэйэлэрин кыһалҕаларын туһунан кэпсээтилэр, ону быһаарарга ханнык судаарыстыбаннай бырагыраамаларга кыттыахтарын сөбүгэр сүбэлэри ыллылар.
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…