Арассыыйа Судаарыстыбаннай Дууматын дьокутаата Галина Данчикова Кыайыы күнүнэн эҕэрдэлиир:
«Аҕа дойду Улуу сэриитин кыттыылаахтара, тыыл бэтэрээннэрэ, ытыктабыллаах Саха сирин олохтоохторо! Ис сүрэхпиттэн Улуу Кыайыы күнүнэн эҕэрдэлиибин!
Ыам ыйын 9 күнэ — Аҕа дойдубутугар саамай суолталаах ытык күн. Бу күн биһиэхэ, элбэх норуоттар холбоһон олорор дойдутугар эр санааны, хорсун быһыыны уонна түмсүүлээх буолууну кытта ситимнээх. Биһиги сүрэхпитигэр уоттаах сэриигэ, тыылга кыайыыны уһансыбыт ытык бэтэрээннэрбитигэр сүгүрүйүүбүт махтала сөҕүрүйүө суоҕа. Биһиги ытык иэспит — Улуу Кыайыы хайдахтаах курдук сыранан кэлбитин умнуо суохтаахпыт. Хорсуннук сэрии толоонугар охтубут буойуттары, ытык бэтэрээннэрбитигэр махталбыт — оҕолорбутун, сиэннэрбитин кинилэр холобурдарынан иитии уонна кинилэргэ ытыктабылбыт буолар. Бу бэлиэ күн эдэр көлүөнэҕэ санаабын этиэм этэ, төрөөбүт дойдугутунан киэн туттуҥ, эйэни харыстааҥ, Арассыыйа суверенитетын туһугар турууласпыт дьону умнумаҥ!
Аҕа дойду сэриитин уонна тыыл бэтэрээннэригэр уһун үйэни, чэгиэн доруобуйаны баҕарабын. Саха сирин бары олохтоохторугар дьолу-соргуну!»
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…