Хаартыска: СИА
Күндү Сахабыт сирин оҕолоро! Убаастабыллаах төрөппүттэр, учууталлар, иитээччилэр уонна социальнай үлэһиттэр!
Бэс ыйын 1 күнүгэр биһиги дойдубутугар Оҕо көмүскэлин норуоттар икки ардыларынааҕы күнэ бэлиэтэнэр. Бу бырааһынньыкка биһиги оҕолорбут тустарыгар үөрэр-көтөр эрэ буолбатахпыт – кинилэргэ туох ыарахаттар, быһаарыллыбатах кыһалҕалар баалларын өссө чугастык билэбит, ыалдьар оҕолорбут доруобуйаларыгар болҕомтобутун күүһүрдэбит. Судаарыстыба өттүттэн бу оҕолорго көмө харчынан, чэпчэтиилэринэн, доруобуйаларын көннөрүүгэ, чөлгө түһэриигэ көмөлөөх тиэхиньиичэскэй тэриллэринэн, үлэлнэн хааччыйыынан араас өйөбүл көрүллэр.
Оҕо ситиһиилээх, бары өттүнэн дэгиттэр сайдыылаах буола улаатыытыгар дьоллоох, уйгулаах олохтоох дьиэ кэргэн суолтата улахан. Судаарыстыба өттүттэн дьиэ кэргэн чөл туруктаах дьоһун олоҕун түстүүр кэккэ дьаһаллар олоххо киирэ туруулара – биир туспа өйөбүл. Дьиэ кэргэни өйөөһүн, хас биирдии оҕо сайдыытыгар, дьоҕурун арыйыыга усулуобуйаны тэрийии Ил Дархан уонна бырабыыталыстыба инники күөҥҥэ тутар соруктарынан буолар. Ити барытын түмүгэр биһиги Сахабыт сиригэр талааннаах оҕолорбут элбэхтэринэн, кинилэр ситиһиилэринэн киэн туттабыт.
Убаастабыллаах төрөппүттэр, учууталлар, иитээччилэр уонна социальнай үлэһиттэр дойдубут кэскилэ буолар оҕолорбутун харыстаан, биэбэйдээн, иитэн-такайан таһаарыыга болҕомто улаханын ууруҥ. Бүгүҥҥү үтүөкэн бырааһынньыгынан бары оҕолорго күөх сайыҥҥа төрөппүттэрдиин, доҕоттордуун ыкса алтыһар дьоллоох сынньалаҥы, үөрүүнү-көтүүнү, чаҕылхай умнуллубат түгэннэри баҕарабын! Оҕо барахсан харахтара ыраас ыра туолуутуттан чэмэлийэ сырдаатын, умнуллубат үөрүүттэн чаҕылыйа сыдьаайдын!
Хас биирдии оҕону чугас дьонун итии таптала, кыһамньыта, дьиэ кэргэн арчылыыр, харыстыыр амарах эйгэтэ, дьол, доруобуйа уонна этэҥҥэ буолуу өрүү арыаллаатын!
Галина Данчикова, РФ Судаарыстыбаннай Дууматын дьокутаата
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …