Салгыы
Судаарыстыбаннай Дуума дьокутаата Галина Данчикова саҥа ылыллар сокуоннар тустарынан

Судаарыстыбаннай Дуума дьокутаата Галина Данчикова саҥа ылыллар сокуоннар тустарынан

10.07.2024, 17:24
Хаартыска: СИА
Бөлөххө киир:

Нолуок систиэмэтин тупсарар сокуон барыла оптуорунньукка иккис ааҕыыга ылылынна, бүгүн, от ыйын 10 күнүгэр, үһүстээн көрүллүөҕэ диэн иһитиннэрэр.

Онуоха Судаарыстыбаннай Дуума дьокутаата Саха сирин олохтоохторун болҕомтотун кинилэри долгутар боппуруоска туһаайыан баҕарарын этэр. Улаатан иһэр нолуок хотугу сир олохтоохторун үгүстэрин таарыйыа суоҕа.

Саха сиригэр соторутааҕыта кэлэн барбыт Арассыыйа Бэрэсидьиэнэ Владимир Путин сорудаҕынан, Уһук Хоту сир оройуоннарыгар үлэлиир дьоҥҥо НДФЛ улаатыа суоҕа диэн Галина Данчикова тоһоҕолоон бэлиэтиир.

«Атыннык эттэххэ, ылыллыбыт дохуоттан маҥнай ураты килиимэттээх усулуобуйаҕа үлэлиир ыстааска эбии төлөбүр уонна надбавка барыта ааҕыллыаҕа уонна ол эрэ кэнниттэн төһө нолуок туттуллара сыаналаныа. Холобур, сылга 2,4 мөл. солк. диэри дохуоттаах дьоҥҥо нолуоктара 13% хаалыа. 2,4 мөл-тэн 5 мөл. солк. диэри дохуоттаах дьон нолуоктара 15%, 5 мөлүйүөнтэн 20 мөл. солк. диэри – 18%, 20 мөл. 50% диэри – 20%, оттон сылга 50 мөл. солк. үрдүккэ – 22%. Үрдэтиллибит нолуок бүтүн сууматтан буолбакка, олохтоммут боруоктан аһара үрдүк буоллаҕына эрэ тутуллуоҕа. Бу уларыйыылар анал байыаннай дьайыы кыттыылаахтарыгар төлөнөр төлөбүргэ киирбэттэр», — диэн Галина Данчикова тоһоҕолоон этэр.

Нолуок үрдээһиниттэн киирэр эбии дохуот федеральнай бүддьүөккэ киириэҕэ уонна оҕолоох дьиэ кэргэни, биэнсийэлээхтэри, бэтэрээннэри өйүүргэ ыытыллыаҕа.

Маны таһынан иккис ааҕыыга икки уонна онтон элбэх оҕолоох төрөппүттэргэ сыл ахсын оҥоһуллар төлөбүр туһунан сокуон барыла ылылынна. Маннык көмөнү кыра дохуоттаах ыал, эрэгийиэннээҕи тиийинэн олоруу алын кээмэйин балтараа төгүлүнэн куоһарбат буоллаҕына ылыаҕа.

+1
0
+1
2
+1
0
+1
0
+1
0
+1
0
+1
0
Бары сонуннар
Салгыы
20 июля
  • 18°C
  • Ощущается: 18°Влажность: 68% Скорость ветра: 2 м/с

Сообщить об опечатке

Текст, который будет отправлен нашим редакторам: