Судаарыстыбаннай Дуума вице-премьердэри бигэргэттэ

Судаарыстыбаннай Дуума ыам ыйын 13 күнүнээҕи мунньаҕар бырабыыталыстыба бэрэссэдээтэлин солбуйааччылары бигэргэттэ.  

Арассыыйа бырабыыталыстыбатын бэрэссэдээтэлэ Михаил Мишустин Судаарыстыбаннай Дуумаҕа ыам ыйын 11 күнүгэр бырабыыталыстыба чилиэннэрин бигэргэтиигэ киллэрбитэ.

Мунньахха дьокутааттар бастакы вице-премьеринэн Денис Мантуровы аныырга сөбүлэҥнэрин биэрдилэр. Маны таһынан бэрэссэдээтэли солбуйааччыларынан Татьяна Голикова, Дмитрий Григоренко, Александр Новак, Алексей Оверчук, Дмитрий Патрушев, Виталий Савельев, Юрий Трутнев, Марат Хуснуллин уонна Дмитрий Чернышенко ананнылар.

Салгыы Судаарыстыбаннай Дуума тутаах миниистирдэр кандидатураларын ыам ыйын 14 күнүнээҕи мунньаҕар көрүөҕэ.