Судаарыстыбаннай Дуума ыалдьан олоруу иһин күҥҥэ саамай элбээбитэ төһө суума төлөнөрүн эттэ

Быстах кэмҥэ үлэлээбэккэ олоруу иһин босуобуйа муҥутуур үрдүк кээмэйэ күҥҥэ 5700 солк. кэриҥэ диэн Судаарыстьыбаннай Дуума дьокутаата Алексей Говырин эппит. Ити туһунан РИА Новости суруйар.

“Күн бүгүн быстах кэмҥэ үлэлээбэккэ олоруу иһин босуобуйа суумата саамай үрдээбитэ күҥҥэ 5673 солк. Бу, иннинээҕи икки сылга страховой усунуос ааҕыытыгар муҥутуур баазаттан аттарыллан быһаарыллар. 2023 сылга база 1,9 мөл. солк. кэриҥэ этэ, 2024 сылга – 2,2 мөл. солк. кэриҥэ. Ити суумата 730 календарнай күҥҥэ түҥэтиллэр, түмүктүүр сыыппара тахсар” – диэн Говырин этэр.

Дьокутаат этэринэн, төлөбүр кээмэйэ страховой ыстаастан тутулуктаах: 8 сылтан элбэх ыстаастаахтарга 100%, 5-8 сылга — 80%, 6 ыйтан 5 сылга диэри — 60%.

Ыалдьан олорбут үс бастакы күнүн үлэ биэрээччи төлүүр, онтон атын күннэрин — Арассыыйатааҕы социальнай пуонда. Бу туһунан РИА Новости суруйар.