Судаарыстыбаннай Дуумаҕа аармыйаҕа сылы эргиччи ылар сокуон бырайыагын көрүөхтэрин сөп

Судаарыстыбаннай Дуума балаҕан ыйыгар бастакы ааҕыыга байыаннай сулууспаҕа ылыыны сылы эргиччи ыытыан сөбүн туһунан сокуон барылын көрүөн сөп. Бу туһунан РИА Новости суруйар.

Сокуон барылыгар олоҕуран, байыаннай сулууспаҕа ыҥырыы тэрээһинин (миэдиктэр көрүүлэрин, профессиональнай психологическай сүүмэрдээһини уонна призывной хамыыһыйа мунньаҕын)  сылы эргиччи тохсунньу 1 күнүттэн ахсынньы 31 күнүгэр диэри ыытыан  сөп. Оттон сокуонунан быһаарыллыбыт болдьоххо (муус устар 1 күнүттэн от ыйын 15 күнүгэр уонна алтынньы 1 күнүттэн ахсынньы 31 күнүгэр диэри) уолаттары байыаннай сулууспаны ааһыахтаах сирдэригэр ыытыллыаҕа.

Судаарыстыбаннай Дуума Оборуонаҕа кэмитиэтин салайааччыта, сокуону көҕүлээһин кыттыгас ааптара Андрей Картаполов РИА Новостига комментарийыгар тустаах сокуон байыаннай комиссариат үлэтин систиэмэлииргэ ирдэнэр, онтон байыаннай сулууспаҕа сокуонунан ыйыллыбыт болдьоххо ыытыахтара диэн эппит.