Мария Васильева хаартыскаҕа түһэриитэ (СИА)
Бүгүн СӨ бырабыыталыстыбатын мунньаҕар үлэ бэтэрээнин туһунан өрөспүүбүлүкэтээҕи сокуоҥҥа уларытыылары көрдүлэр. Салгыы сокуон бырайыага СӨ Судаарыстыбаннай Мунньаҕар (Ил Түмэҥҥэ) киириэҕэ.
“Саха сиригэр Ийэ сыла түмүктэнэ да илигинэ, ийэ буолуу аатын-суолун үрдэтии чугастааҕы сылларга тутаах сорудахтартан биирдэстэринэн буолуоҕа. Маннык соругу өрөспүүбүлүкэ баһылыга Айсен Николаев туруорар. Кини 2022 сыл ахсынньыга Туһаайыы этиитигэр ийэлэри өйүүр миэрэлэри эбэргэ уонна үлэ бэтэрээннэрин туһунан өрөспүүбүлүкэ сокуонун барылыгар уларыйыылары киллэрэргэ, эрдэ судаарыстыбаннай наҕарааданан бэлиэтэммит элбэх оҕолоох бары ийэлэргэ бу ааты иҥэриини саҕалыырга соруйбута”, — диэн бэлиэтэтэ бырабыыталыстыба бэрэссэдээтэлэ Андрей Тарасенко.
Эрэгийиэн үлэҕэ уонна социальнай сайдыыга миниистирэ Елена Волкова чопчулаабытынан, “Ийэҕэ үрдүк махтал” («Высшая благодарность матери”), “Дьоруой ийэ” уонна “Ийэҕэ албан аат” I, II, III истиэпэннээх судаарыстыбаннай наҕараадалары ылбыт, өрөспүүбүлүкэ сиригэр-уотугар үлэлиир кэмигэр 10 сылтан итэҕэһэ суох страховой ыстаастаах ийэлэргэ бу аат иҥэриллиэҕэ.
Ону тэҥэ эрэгийиэҥҥэ “Үлэ бэтэрээнэ” ааты Арктика оройуоннарыгар олорор түөрт уонна онтон элбэх оҕону төрөппүт уонна кинилэри 8 саастарыгар диэри ииппит (ол иһигэр иитиэх) ийэлэргэ иҥэрии бэрээдэгин судургу оҥоруохтара. Кинилэргэ Арктика оройуонун сиригэр-уотугар ирдэнэр страховой ыстаас 10 сылга диэри кыччыаҕа.
Саха Өрөспүүбүлүкэтин Ил Дарханын уонна Саха Өрөспүбүлүкэтин Бырабыыталыстыбатын пресс-сулууспата
Сунтаар улууһугар "Биир ньыгыл Арассыыйа" баартыйаттан турбут А.В.Григорьев баһылыгынан талылынна. Биир дойдулаахтара кини үлэтин үрдүктүк…
“Проверено на себе” диэн билиҥҥи угуйук саха майгытыгар сүрдээҕин сөп түбэһэр эбит. Тоҕо диэтэххэ кини барытын…
Үөрэх эйгэтигэр анал байыаннай эпэрээссийэ кыттыылаахтарын оҕолорун өйөбүл өрөспүүбүлүкэҕэ сүрүн соругунан буолар. Бүгүҥҥү күҥҥэ байыаннай…
Дьокуускай куорат баһылыга Евгений Григорьев суруналыыстары кытары көрсүһүүтүгэр киин куорат тырааныспарын инфраструктуратын тупсарыыга былааннарын туһунан…
Бу күннэргэ СӨ тыа хаһаайыстыбатын министиэристибэтэ халаантан эмсэҕэлээбит Өймөкөөн улууһун нэһилиэктэригэр паромунан сырыы түмүктэниэр диэри…
Бүгүн Саха сиринээҕи Киин быыбардыыр хамыыһыйа бэрэссэдээтэлэ Евгений Федоров бэҕэһээ, балаҕан ыйын 14 күнүгэр, Быыбар…