Судаарыстыбаннай пуонда байыаннай дьайыы кыттыылаахтарын кытта ыкса үлэлэһэр

Судаарыстыбаннай пуонда байыаннай дьайыы кыттыылаахтарын кытта ыкса үлэлэһэр

25.03.2025, 18:35
Хаартыска: sakha.gov.ru
Бөлөххө киир:

«Аҕа дойдуну көмүскээччи» судаарыстыбаннай пуонданы кытта 38 тыһыынчаттан тахса киһи  сибээстэһэ сылдьыбытыттан, 91% боппуруос быһаарылынна.

Бу туһунан брифиҥҥэ бүгүн пуонда филиалын салайааччытын солбуйааччы Лилия Голикова иһитиннэрдэ.

Хаартыска: СӨ Бырабыыталыстыбатын пресс-сулууспата

“Филиал үлэтин саҕалыаҕыттан ыла 9,6 тыһыынчаттан тахса, ол иһигэр аналлаах сыаллаах категорияҕа киирэр 3,8 тыһыынча кэриҥэ киһи биһигини кытта сибээстэһэ сырытта.   Онтон байыаннай сулууспалаахтар уонна кинилэр дьиэ кэргэттэрэ — 53,6%  ылаллар», — диэн бэлиэтээтэ Лилия Голикова. Бүгүҥҥү күҥҥэ пуонда филиалыгар 1322 инбэлиит-бэтэрээн регистрацияламмыт.

Социальнай координатордар 1574 сэрии бэтэрээннэригэр ый аайы дьиэлэригэр сылдьан наадаларын быһаараллар уонна ханнык баҕарар үөскүүр боппуруостары быһаарарга көмөлөһөллөр. Салаа федеральнай испииһэккэ киирбэтэх бойобуой бэтэрээннэр наадаларын быһаарар уонна техническэй реабилитациялыыр тэриллэринэн хааччыйар. Ол курдук, көхтөөх олоҕу тутуһар уонна спордунан дьарыктаныан баҕалаах дьон спортивнай протезтартарынан  уонна успуорт кэлээскэлэринэн хааччылыннылар. Филиал 20 инбэлиит сэрии бэтэрээнигэр олорор дьиэлэрин табыгастаах гына сөп түбэһиннэриигэ көмөнү оҥорор.

Байыаннай силиэстийэлиир управлениены кытта сүппүт дьону көрдөөһүҥҥэ көмөлөһөр үлэ салҕанар. Аймахтарыгар көрдөөһүн каартатын оҥорорго уонна генетическэй матырыйаалы хомуйарга көмөлөһөр. Салгыы генетическэй матырыйаал анаалыһа уонна көрдөөһүн карточкалара Арассыыйа Оборуонаҕа министиэристибэтин боломуочуйалаах уорганнарыгар ыытыллаллар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
26 марта
  • -8°C
  • Ощущается: -13°Влажность: 35% Скорость ветра: 3 м/с

Сообщить об опечатке

Текст, который будет отправлен нашим редакторам: