Судаарыстыбаннай тэрилтэ дириэктэрэ бэрик биэриигэ буруйданар

Саха сиринээҕи Силиэстийэлиир кэмитиэтэ СӨ судаарыстыбаннай тэрилтэтин дириэктэрин холуобунай дьыалатын силиэстийэлээһин түмүктээтэ.

Силиэстийэ быһаарыытынан, 2022 сыл бэс ыйыттан 2024 сыл муус устар ыйыгар диэри буруйданааччы СӨ Бэтэринээрийэтин департаменын дуоһунастаах салайааччытыгар 113 тыһ. солк. тахса сууманы бэрик биэрбит. Дьыаланы ФСБ үлэһиттэрэ силиэстийэлээтилэр.

Холуобунай дьыала суут көрүүтүгэр ыытылынна, диэн Саха сиринээҕи Силиэстийэлиир кэмитиэтин пресс-сулууспата суруйар.