СӨ бастакы бэрэсидьиэнэ Михаил Николаев өрөспүүбүлүкэбит Судаарыстыбаннаһын күнүгэр Хаҥалас улууһун Өктөм нэһилиэгэр баар Николаев-кииҥҥэ буолбут көрсүһүүгэ онлайн-сибээскэ таҕыста. Кини норуот дьокутааттарын, бырабыыталыстыба чилиэннэрин түмсүүлээх буоларга ыҥырда:
— Санааҕытын түһэримэҥ, түмсүүлээх буолуҥ! Эһиги Ил Дархан Айсен Сергеевич тула үмүөрүһэн, түмсүүлээх буоларгытыгар итэҕэйэбин. Ил Дархан бары өртүнэн бастыҥ, киэҥ билиилээх, бүгүҥҥү күҥҥэ уустук боппуруостары быһаарар кыахтаах. Ол курдук, Өлүөнэ муостатыттан саҕалаан өрөспүүбүлүкэни гаас ситиминэн хааччыйыы боппуруостарыгар барытыгар улахан соруктары туруорар. Хаарбах туруктаах дьиэлэртэн босхолонуу, саҥа үчүгэй суоллары тутуу – бу барыта улахан үлэни, соругу эрэйэр.
Арассыыйа бары уустуктары, ыарахаттары барытын өйүнэн, модун күүһүнэн уонна талаанынан кыайара. Өрөспүүбүлүкэбит Судаарыстыбаннаһын күнүн эмиэ уустук кэмҥэ бэлиэтиибит. Саха сирэ Арассыыйаны кытта быстыспат ситимнээхпит. Сахабыт сирин инникитэ барыта Арассыыйа ханнык миэрэлэри ылынарыттан тутулуктаах. Хаһан даҕаны Арассыыйаны кытта иирсибэтэхпит, өрүү эйэлээхтик олорон кэллибит. Тыйыс айылҕалаах, тымныы килиимэттээх сиргэ олорорбутунан, арай сайдыы быраабын боппуруостарын эрэ көтөҕөрбүт.
Бэйэҕитин харыстана сылдьыҥ! Кыһалҕабытын быһаарыахтара, көмүскүөхтэрэ диэн эһиэхэ эрэнэр, итэҕэйэр дьон туһугар олоруҥ! Төһө да уустук кэмҥэ өрөспүүбүлүкэбит судаарыстыбаннаһын бэлиэтээтэрбит, биһиги даҕаны ситиһиилэрдээхпит. Өрөспүүбүлүкэ иннигэр турар улахан соруктар быһаарыллан иһэллэрин туһугар аҕа баһылыккытын харыстааҥ, өйөөҥ, кини тула үмүөрүһүҥ.
Бүгүҥҥү күҥҥэ дойду бэрэсидьиэнин бирикээһин толорууттан атын суол суох. Биһиги бэйэбит үлэбитин айымньылаахтык толорон кэлбиппит. Ол үлэ салҕаныахтаах. Бэйэ норуотугар чугас буолуҥ, кинини таптааҥ, көмүскээҥ!
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…