«Судаарыстыбаннас күнүгэр Михаил Николаевка ытыктабылбытын биллэрэбит»

Ил Дархан быһа эпиирин кэмигэр элбэх ыйытыы, санаа үллэстиитэ киирэр.

СӨ Бастакы Бэрэсидьиэнигэр М.Е.Николаевка туһуламмыт туох үлэ ыытылларын туһунан эмиэ ыйыттылар.

«Судаарыстыбаннас күнүгэр биһиги өрөспүүбүлүкэ бастакы бэрэсидьиэнэ Михаил Николаевка ытыктабылбытын биллэрэбит. Киниэхэ Өктөмҥө оҥоһуллуохтаах мемориал эскиһэ оҥоһулунна. Дьокуускайга пааматынньык уонна кыраһыабай болуоссат миэстэтин таллыбыт. Сүрүнэ, Михаил Ефимович аатын үйэтитэргэ биһиги өрөспүүбүлүкэбит сайдарын, олохтоохтор дьоллоохтук олороллорун туһугар барытын оҥоруохтаахпыт», -– диэн Айсен Николаев быһа эпииргэ иһитиннэрдэ.