Судаарыстыбаннас күнүгэр Национальнай киинтэн үс игирэ оҕо таҕыста

Өрөспүүбүлүкэ судаарыстыбаннаһын күнүгэр Мэдиссиинэ национальнай киинин Перинатальнай кииниттэн үс игирэ кырачааны үөрүүлээх быһыыга-майгыга таһаардылар.

Үөһээ Бүлүү олохтоохторо  Анна Никифоровна уонна Денис Аркадьевич Петровтар-Беоскоровтар дьиэ кэргэттэригэр үс игирэ атырдьах ыйын 24 күнүгэр Перинатальнай кииҥҥэ күн сирин көрбүттэрэ.

Кырачааннар төрүүр болдьохторун иннинэ күн сирин көрөн, киилэттэн эрэ ордук ыйааһыннаах этилэр. Перинатальнай киин үрүҥ халааттаах аанньаллара Деннаны, Аркадийы уонна Эльмираны  биир ыйы быһа көрөн-истэн уонна ийэ үүтүнэн эмсэхтэнэн, балыыһаттан тахсарга бэлэм буоллулар.