Хаартыска: Мария Васильева (СИА).
Саас халлаан сылыйыыта, балыктан топпут дьон кыра балыгы ыкка биэрэллэр эбэтэр быраҕан кэбиһэллэр. Ол оннугар бөрүөктэ астан эбэтэр маннык буһаран хаһаан.
Туох ирдэнэр: кыра собо, рис, күөх тума, мээккэлэммит хара биэрэс, эриэппэ луук, туус.
Хайдах бэлэмниибит: Кыра собону хатырыктыыбыт, үөстүүбүт, иһин туспа иһиккэ ылан кыра уу эбэн булкуйа туран буһарабыт. Балыгы бэйэтин икки төгүл мясорубкалыыбыт уонна уҥуоҕун бытарытар гына блендергэ эрийтэрэн баран кыра уулаан, арыылаан туус эбэн ыһаарылыыбыт, тума, биэрэс кутабыт.
Риһи олус илдьириппэккэ туустаан буһарабыт. Тиэстэ бэлэмнээн баран маҥнай балыкпытын уурабыт, ол үрдүгэр кыра гына кырбаммыт эриэппэ луугу уонна рис кутабыт. Үрдүгэр тиэстэ тэнитэн бүрүйэбит. Салгын тахсарын курдук үөһэ өртүн биилкэнэн дьөлөҕөстүүбүт. 180 кыраадыска буһаран ылабыт.
Бу рогаликка барыанньа оннугар изюм кутуллар буолан, тохтуо эҥин диэн төбө ыалдьыбат. Итиэннэ бэрт сымнаҕас, түргэнник оҥоһуллар.
Туох ирдэнэр: эбилигэ суох “Молочнай дождик” иэдьэгэй (творог) – 1 хаа, мас арыыта – паачка аҥаара, саахар – ыстакаан аҥаара курдук, туус – 1 кыра ньуосканы кыайбат, разрыхлитель (суода) – 1 кыра ньуоска, изюм.
Хайдах бэлэмниибит: Изюму итии ууга 5 мүнүүтэ курдук туруора түһэбит. Минньигэһи сөбүлүү дьон ууттан таһааран баран кыратык саахар эбэн биэриэхтэрин сөп.
Бу кэмҥэ иэдьэгэйи сымнаабыт арыыны кытта булкуйабыт, саахар, туус, разрыхлитель, бурдук кутан тиэстэ мэһийэбит, 30-ча мүнүүтэ туруора түһэбит. Тиэстэбитин икки гына аҥаардыыбыт уонна хас биирдиитин 0,5 см. гына төгүрүччү тэнитэбит, уһун-синньигэс үс муннуктуу рогаликка сөп гына бысталыыбыт. Иһигэр 1-2 изюму уган рогаликтарбытын эрийтэлиибит уонна итии духуопкаҕа буһара угабыт.
Бу бүлүүдэни ордук оҕолор биһирээн сииллэр. Ыһаарыламмат буолан табыгастаах.
Туох ирдэнэр: улахан хортуоппуй – 4 устуука, сымыыт – 3 устуука, мааннай куруппа – 1 кыра ньуоска, бурдук – 2 ост. ньуоска, туус, хара биэрэс, сосиска – 7 устуука.
Хайдах бэлэмниибит: Хортуоппуйу хахтаан, буһаран баран ныһыйыллар. Манна мааннай куруппа, сымыыт, биэрэс кутан баран 7 устуука шариктары оҥоһуллар уонна хас биирдии сосисканы суулаан, итии духуопкаҕа буһарыллар.
Ыксалга хаһаайканы абырыыр салаат.
Туох ирдэнэр: Куурусса буута – 1 устуука, минньигэс биэрэс – 2 устуука (кыһыл), сымыыт – 7 устуука, сибиэһэй оҕурсу – 1 устуука, майонез, туус.
Хайдах бэлэмниибит: Кууруссаны, сымыыты буһаран баран уһун синньигэс гына кырбыыбыт. Оҕурсуну, биэрэһи уһун синньигэс гына бэлэмниибит. Састаабы барытын булкуйан баран кыратык туус уонна майонез кутан булкуйабыт.
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…