Хаартыска -- Алексей Крылов тиксэриитэ
Бүгүн «Триумф» спортивнай уораҕайга наука эспэримиэннэрин оҥоһуктарын быыстапката буолан ааста.
Онно Мэдиссиинэ кэлим боппуруостарын быһаарар научнай киин биология молекулярнай салаатын чинчийээччитэ Алексей Крылов кыттыыны ылла.
Наука аспирана туох үлэтинэн кыттыбытын бу курдук билиһиннэрдэ:
— Мин ХИФУ естественнай факультетыгар биология факультетыгар бакалавриаты бүтэрбитим. Москваҕа клиническай диагностическай лабораторияҕа үөрэхпин салҕаабытым. Быйыл ХИФУ биологическай кафедратыгар иккис сылбын магистратураҕа үөрэнэбин. Бу быыстапкаҕа сирэйгэ туттуллар кириэм оҥорон кыттыыны ыллым. Сугун абаҕатын (багульник болотный) дойдубар Мэҥэ Хаҥалас Бүтэйдээҕэр хомуйбуппут. Бу кириэм киһи сирэйин сымнатар уонна сырдатар. Киһи сирэйигэр тымыра сиэккэ курдук буолан көстөрүн суох оҥорор. Арассыыйаҕа бу эмтээх от хото үүнэр эрээри, косметологияҕа туттубаттар. Ол оннугар кэриэйдэр туһаналлар эрээри, дойдуларын таһыттан таһаарбаттар.
Былыр сугун абаҕатынан тымныйыыттан харыстыырын иһин сахалар анаан бүөрү ыраастаан эмтэнэллэрэ үһү. Оттон ойууттар уонна удаҕаттар турукка киирээри уматаллар эбит.
Саха эмтээх отторо кылгас сайын устата эрэ үүнэр буолан, эмтээх дьайыылара күүстээҕинэн биллэр. Бу кириэмҥэ өссө А битэмииннээх. Онон сирэйи сымнатарга көдьүүһэ улахан. Сирэй мыччыстаҕаһын эмиэ сымнатар буолан, ыччат да, аҕам саастаах да дьон туттуохтарын сөп. Бу бородууксуйабытынан «Умник» диэн Арассыыйатааҕы эдэр чинчийээччилэр граннарыгар кыттан, финалистар ахсааннарыгар киирдибит. Куонкуруска кыайбыт үппүтүнэн кириэммитин тупсарыыга туттуохпут. Соторутааҕыта бу бородууксуйабыт «Биометполигон» диэн өрөспүүбүлүкэтээҕи косметика уонна фармацевтика сириэстибэлэрин федерацията уонна Сколковоттан кэлэ сылдьар эспиэрдэр үрдүк сыанабылы биэрбиттэрэ.
Ити курдук, саха эдэр чинчийээччилэрэ эмтээх оттору туһаҕа таһааран, аны сирэй кириэмин оҥорорго ылыстылар.
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…