Билигин сугун сыаната төһө буолла?

Атырдьах ыйыттан Саха сиригэр дьон сугуннуур кэмнэрэ саҕаланар. Сугун ханнык да сир аһыттан уустуктук үргэнэр. Ону сэргэ кини үргэнэр сирин тулатыгар тыатааҕы баар буолуон сөбө ордук сэрэхэчитэр. Ол да буоллар дьон сугуну таптыыр, үргээбэт дьон атыылаһаллар. Күһүн буолла да сугун атыытын туһунан биллэрии элбиир. Билигин сугун сыаната төһөнүй, ордук туохха туһалааҕый?

Үгүс биллэриигэ сугун 5 лиитирэтэ 5000 солк. тэҥнэспит. Ол эрээри быйыл сугун элбэҕинэн, 10 лиитирэ сугун 7000 солк.буолан турар. Оттон сугун үүммэт улуустарыгар сыаната лиитэрэ иһин 1200 cолк. тэҥнэспит.

Сугун туһата уонна буортута

Сугун ордук күөмэйэ ыалдьар дьоҥҥо, айах бааһыгар туһалаах дииллэр.  Сугунтан смузи, барыанньа оҥостоллор. Сугун антоциан диэн эттиктээх. Ол курдук кини кырдьыыны, онкологияны уонна сүрэх, тымыр ыарыыларын утары үлэлиир эбит. Антиоксидантнай күүһүнэн черниканы уонна клюкваны баһыйар.  Ону таһынан мэйии үлэтиигэр көмөлөөх эбит. Ордук аҕам саастаахтарга альцгеймер курдук ыарыыны утары үлэлииргэ көмөлөһөр. Саахардаах дьоҥҥо саахар таһымын хонтуруоллуур. Аһары элбэҕинэн үлүһүйбэккэ, күҥҥэ биир ытыс сугун көмөтө элбэх. Маны таһынан харахха эмиэк өмөтө үгүс. Өр кэм устата көмпүүтэргэ үлэлиир дьон күннэтэ сугуну төгүрүктүү сииллэрэ олус туһалаах. Оттон синньиэн баҕарар дьоҥҥо, сугун туһата эмиэ үгүс.

Сугун буортута

Аһары элбэҕи сиэтэххэ, аллергиялаах дьон тириитэ ымынахтаныан сөп. Харах ууланар, дабылыанньаны түһэрэр. Хааны убатар. Онон эпэрээссийэ иннинэ сугун сиир бобуллар. Куртаҕа, оһоҕоһо ыалдьар киһи аһары үлүһүйэрэ сэрэхтээх.

Сугуну хайдах хаһаанабыт?

Сугуну халадьыылынньыка биэс күн устата хаһааныахха сөп. Оттон тымныы лаарга, морозильникка сыл устата хаһааныллар.

Төһөнү сиибит?

Улахан киһи күҥҥэ 100-200 г сиэн сөп. Оттон оҕо үс сааһыттан 50-100 г сиирэ көҥүллэнэр.