Хаартыска уонна видео -- Елена Потоцкая.
Бу күннэргэ Дьокуускай куоракка урбаанньыттар креативнай нэдиэлэлэрэ буола турар.
Онон киин, анимация, IT-технология, ас астааһына, муода дизайна, таҥас тигиитэ уо.д. а. ураты, сонун көстүүлээх урбаан көрүҥүн бу эйгэҕэ үлэлии сылдьар ыччаттар хото көрдөрдүлэр, саҥа ааттар ааттаннылар.
«Республика» эрэстэрээн шеф-асчыта Герман Усов — Дьокуускай куорат олохтооҕо. Бу эрэстэрээн аһыллаатын кытта, манна былырыын үлэлии кэлбит. Олохтоох бородууксуйаны оҥорон таһаарааччылары кытта асчыттар төгүрүк остуолга кэпсэтиилэригэр Герман Усов тыаҕа үүнэр отонтон тума арааһын оҥорон таһаарыахха сөбүн туһунан санаатын үллэстибитэ.
Бүгүн кини чыыр балыктан «Индигирка» салаакка сугун үс көрүҥүн (барыанньа, отон, утах) туттан, олус минньигэс амтаннаах туманы оҥорон амсатта.
Эрэстэрээн аһа буолан буолуо, үлэтэ бэрт үгүс уонна уһун эбит…
Туттар тэриллэрэ да элбэҕэ бэрт буолан биэрдэ. «Су-шеф» диэн ааттанар асчыттар Андрей Дегтярев уонна Петр Аммосов сонун аһы бэркэ астынан бэлэмнээтилэр.
Сугун үс көрүҥүн туттубут тумаларын эрэстэрээн асчыттара «Сугун ардаҕа» диэн ааттаан, бэрт кичэллээхтик киэргэтэн баран, амсата биэрдилэр.
Эрэстэрээн управляющайа Антон Свешников былырыын Москваттан анаан ыҥырыллан кэлбит. Саха аһын олус сөбүлээбит. «Айылҕа аһа буолан, амтанныын да атын» диир.
Асчыттара бэлэмнээбит «Индигиирка» салааттарын Антон бэйэтинэн ыалдьыттарыгар күндүлээтэ.
Кинилэр олохтоох астан араас ас оҥоһулларын бэркэ интэриэһиргээтилэр уонна менюну бэркэ кичэйэн үөрэтэн баран, тайах этэ булкаастаах саламааттан саҕалаан, ас арааһын сакаастаатылар.
Ити курдук, креативнай нэдиэлэҕэ урбаан үгүс эйгэтигэр Герман Усов курдук саҥа ааттар дорҕоонноохтук ааттаннылар.
Биллэн турар, бу асчыт тайах этин кытта саламаатынан, Амма арыытыттан, Булуҥ балыгыттан астаабыт сонун бүлүүдэлэринэн быйыл ахсынньыга ыытыллыахтаах «Саха сирин амтана» гастрономическай бэстибээлгэ хайаан да кыттыаҕа.
Дьокуускайга уопсастыбаннай кииҥҥэ, Саха сиригэр Ийэ күнүгэр аналлаах тэрээһиннэр чэрчилэринэн, "Духовно-нравственные основы материнства и актуальные…
“Олох сайдыыта икки өрүттээх дииллэрэ” мээнэҕэ буолбатах курдук. Төһөнөн сайдабыт, олохпут уу сүүрүгүнүү устан иһэр…
Хайа да сиргэ бааллар ээ -- кистэнэ сылдьар иэйиилээх, саһа сытар талааннаах дьон. Кинилэр тиийэн…
Нерюнгри улууһун 38 саастаах эр киһитэ куйаар ситимигэр биир кыыһы кытары билсибит. Кыыс инвестициянан дьарыктанарын…
Кытай мэдиссиинэтин Шеньян университетын учуонайдара быһаарбыттарынан, дьаҥ-дьаһах кэмигэр битэмииннээх оттортон оҥоһуллубут чэй көмөлөһөр. Ол курдук…
Олоҥхо дойдута Сунтаарбыт биир кэрэ айылҕалаах, уйгу-быйаҥ сирдээх, былыр-былыргыттан саха дьоно ууһаан-тэнийэн үөскээбит, олох уустук,…