Суһал байыаннай эпэрээссийэҕэ сылдьар саллааттар оҕолор суруктарын тутуохтара

Суһал байыаннай эпэрээссийэҕэ сылдьар саллааттар оҕолор суруктарын тутуохтара

16.10.2022, 13:00
Бөлөххө киир:

Бэҕэһээ, алтынньы 15 күнүгэр, Дьокуускайга «Арассыыйа – мин устуоруйам” пааркаҕа дьоруойдар ааттарын сүгэр оскуолалар өрөспүүбүлүкэтээҕи сүлүөттэрэ буолла.

Манна Сэбиэскэй Сойуус Дьоруойдарын, Албан аат уордьан толору кавалердарын, Үлэ Кыһыл Знамятын аатын сүгэр бары оскуолалар “Равнение на героев” диэн Саха АССР 100 сылыгар анаммыт улахан тэрээһинэ буолла.

Тэрээһини СӨ үөрэҕин уонна наукатын министиэристибэтэ, “Арассыыйа – мин устуоруйам” паарка уонна оҕолору, ыччаты байыаннай-патриотическай иитиигэ үөрэтэр “Авангард” киин көҕүлээн тэрийдилэр. Сүлүөккэ уопсайа 12 хамаандаттан 220 оҕо кытынна. Тэрээһиҥҥэ оҕолор дьыалабыай оонньууга, патриотическай ырыаларга уонна оскуолалар икки ардыларыгар ыытыллыбыт быыстапкаҕа кытыннылар. Ону сэргэ, манна байыаннай сулууспаҕа маастар-кылаастар ыытылыннылар.

Оҕолор бүтүн Арассыыйатааҕы “Саллаакка сурук” аахсыйаҕа кытыннылар. Оҕолор суруктара СӨ байыаннай комиссариатыгар туттарылыннылар. Бу суруктар суһал байыаннай эпэрээссийэҕэ сылдьар биир дойдулаахтарбытыгар тиийиэхтэрэ. Сүлүөт кэмигэр оҕолор патриотическай иитии тиэмэтигэр научнай-практическай кэмпириэнсийэҕэ кытыннылар. Кэмпириэнсийэҕэ уопсайа 20 үлэ көрүлүннэ. “Германияҕа Сэбиэскэй буойуттар бөлөхтөрүн” ассоциациятын (Ассоциация группы Советских войск в Германии) бэрэссэдээтэлэ Афанасий Семенович Владимиров кыайыылаахтары наҕараадалаата. Сүлүөт кыттыылаахтара “Пушкин” каартатынан “Арассыыйа – мин устуоруйам” пааркаҕа быыстапкалары көрдүлэр.

Лента
Салгыы
7 декабря
  • -38°C
  • Ощущается: -38°Влажность: 67% Скорость ветра: 0 м/с