Суһал көмө саҥа массыыналарын туттардылар

Суһал көмө уон массыынатын өрөспүүбүлүкэ мэдиссиинискэй тэрилтэлэригэр бүгүн үөрүүлээх быһыыга-майгыга туттардылар.

Тырааныспар саҥа оборудованиенан толору хааччыллыбыт. Массыына күлүүстэрин Ил Дархан Айсен Николаев оройуоннардааҕы киин балыыһа кылаабынай быраастарыгар бүгүн туттартаата.

Туһааннаах тиэхиньикэ «Доруобуйа харыстабыла» национальнай бырайыак иитинэн атыылаһылынна.

«Бу бастакы баартыйа буолбатах, сыл бүтүөр диэри өссө саҥа суһал көмө массыыналара аҕалыллыахтара.  Муус устарга массыыналары тыа сирин нэһилиэктэрин олохтоохторугар суһал көмөнү оҥорорго анаан туттартаабыппыт», – диэн эттэ Айсен Николаев.

Бүгүн туттарыллыбыт сэттэ массыына УАЗ уонна үс массыына  ГАЗ базатыгар оҥоһуллубут.