Суһал ыстаап байыастарга көмөтө салҕанар

Суһал ыстаап байыастарга тиэрдэр тэрилин испииһэгэ кэҥэтиллибит.

Бу күннэргэ байыастарга түөрт массыына тэрилтэлэр уонна дьон-сэргэ көмөтүнэн ыытыллыбыт. Суһал ыстаап мунньаҕын быһаарыытынан, байыаннай дьайыы кыттыылаахтарын тэрилинэн хааччыйыы испииһэгэ эбиллибит. Бу туһунан брифиҥҥэ СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар миниистир Дмитрий Лепчиков иһитиннэрбит.

Кини «Куйах» диэн олохтоох оҥорон таһаарааччылар оҥоһуктарын тиэрдии салҕанарын эппит. Маны таһынан, эрдэтээҥҥи хантараагынан тэриллэри тиэрдии ыытылларын, Саха сирин тирэх пууннара байыаннай сулууспалаахтарга гуманитарнай уонна аадырыстаах баһыылкалары тиэрдэллэрин бэлиэтээбит.

СӨ Ил Дарханын уонна Бырабыыталыстыбатын пресс-сулууспата