Суйфэньхэ визата суох туристары көрсөргө бэлэм

Кытай кыраныыссатын таһыгар турар Суйфэньхэ куорат дьаһалтата Арассыыйаттан визата суох киирэр туристары көрсөргө бэлэмнэрин туһунан иһитиннэрдэ.

Эрдэ бу курдук сырыы Арассыыйа уонна Кытай икки ардыгар хамсык иннинэ баар этэ. Норуоттар икки ардыларынааҕы сыһыаннаһыы агенствотын салайааччыта Алексей Старичков иһитиннэрбитинэн, Арассыыйа өттүттэн туристар кыраныыссаны туоруулларыгар барыта бэлэм – туристары илдьэр хампаанньалар испииһэктэрэ, регламеннар, бэчээт уурар тэриллэр барыта эрдэттэн бэлэмнэммиттэр.

Ол эрэн кыраныысса нөҥүө сырыы чопчу арыллар күнэ өссө бигэргэнэ илик. Билигин Пограничнай – Суйфэньхэ – Пограничнай  уонна Полтавка – Дуннин, Краскино – Хуньчунь туһаайыыларга оптуобус сырыыта сөргүтүллүбүтэ биллэр. Бу туһаайыыларга визалаах эрэ дьон кыраныыссаны туоруур кыахтаахтар.